قصيدة بحق سيدي الصدر اعلى الله مقامه الشريف

[frame="6 90"]من يا باب افوتن وانت كلك بوب مو كلمن كتب عنك يدك بابك

وانه بالشعر اصلا ضعيف الحال واظن زحمة علي اقتحم محرابك

اكتب عن شبابك ما عهدتك شاب انت اكبر عقل من عقل شيابك

اكتب عن مشيبك ما شفتلك شيب شفت شمسين عالخدين تضوابك

اكتب عن هدوءك اهدء من الليل بس عالدين تصرخ ترعد اعصابك

اكتب عالنسب لا مالي حق بهاي على كل العشائر ضاوية انسابك

القبك اي لقب هم لقبوك اهواي اسمك منتصر ومشرف القابك

اكتب عن علومك مالي حيل بهاي اكبر مني تاه وضاع بحسابك

اكتب عن مصابك وانته جم اصواب يا طب الاجيبة وياهم اصوابك

اكتب عالبطولة وانتة كلك سيف ما غمضت يوم ونمت بكرابك

اكتب عالشرف انته اشرف من الناس وما شفنه شريف اْتجراْ وعابك

اكتب عالمنابر صارن ثمانين وحطيت البعث كلة بطرف نابك

ها شكتب يسيد مو دعوني الناس جاوبني من اروحن فدوه لجوابك

بس توفيق ماكو وانه وشلون اكتب عنك واوكف على اعتابك

يريت امداس اصيرن واحفظن رجليك كون انه حرف موجود بكتابك

اكعد يا صدر جاعت ترة الجمعات من يوم الوكع فوكـــــــــ الثرى اخضابك

اكعد يا صدر كعدت ذئاب اهواي تهدم بالبنيته وتاكل احبابك

اكعد يا بحر يا بحر ماله حدود تره ضعنه يبوية واثر غيابك

علتنه جبيرة وصرنه مكروهين نشفه من اديك وجمر عطابك

محتارحين بينه وصرنه مكروهين جيف اسمك علينه ونبجي لمصابك

ما خوفك طاغي ولا كعدت ابيت والعالم رجف من طرف جلبابك

لا عندك رصيد وحزب تنهض بيه حشمت اليتامى وصاروااحزابك

يا قربان ربك وانت اي قربان جرحك يذبح بسجين كصابك

من طبع المدرس عنده صف صفين وانت عراق جدك كلة طلابك


الشاعر محمد محسن الشامي[/frame]