صدام النذل وله * صدام النذل وله *صدام النذل وله

رسالة الى القائد الضرورة
******
ابدي وياك مدري منين وشكبان الحجي العندي
من يافترة ياصدام ﮔـلي وياكتر ابدي
انه ادري اشجره بسلافك من اول وانت هم بعد تدري
راح ابدي الحجي وياك وبساط الحجي انمده
من عـهـد موش ابعيد واﮔولن ماشفت حده
لعد فرعون ما ارجع اخاف اتـﮔـول بعيده هذي المده



ابدي وياك من جدك يزيد وخلي خلي
انشوف يزيداشجاب وشوده
وﮔـلك ماخذت عبره يخايب ولك من عـنده
طغه ﮔبلك يزيد وصار بالطغيان وابد ما راد يتهده
تاليهه صبح واشلون لا حراس لاجاه ولاحتى ﮔبر عنده
ولاظل له اثر على الـﮔـاع ولاشفنه بعد قرده
هذا اول اجدادك وانت تعرف بيه وهو وارثهه من جده
ونرد النوب للحجاج سفك دم
وذبّح الوادم
نهب وسلب تاليهه بذبابه ايموت وظرب بنعال
تدري ورموا خده
يبن صبحه العـﮔـل شيـﮔول لو ردنه ولك نشده
يـﮔـول اليظلم الوادم رب الكون بالمرصاد ويرصده
سن ابسن حكم ربك وشحده الراد يـتعده
وربك لو حكم مايعرف الرشواة وشديدة على الظلم جنده
ربك ما همل حاشاه الظالم دوم ويمهله
ولسان المثل شيـﮔول يخايب واسمع المثله
يـﮔول الطير مهما ايطير يرد للـﮔـاع شما طار وبعد عله
وﮔـضيت العمر كله بساحة الطغيان وﭽنت بالظلم تتسله
قصورك وين صارت وين حراسك ظاع العنب والسله
وتاليهه فرد زاغـور ومثل واوي الـﮔصب لزموك يافشله
وتذل وتظلم الوادم شفتهه اشلونهه الذله
ﭽـا وينه المزامط ذاك وجاوين الفخـر ولـه
نتن صادوك وﭽريذي
ولحيتك جـزة صوف عـفنه
ومن عدهه الـﮔـراد انشوف يتدله
فضيحه وعلى الشاشات شفناهه
والعالم شافهه ويانه وعـرف كله
وشعر راسك ﮔمل متروس نشوفه اشلون يتفله
واختمهه الراسالة وياك شفتهه اشلونهه الذله
واصيح ابصوت يا شعب العراق افرح وعـوّض للعمر كله
ﮔوم افرح يبن ذي قار يبن دهوك يبن بغداد يبن الكوت والحله
ويبن بصرتنه ﮔوم افرح يبن النجف يبن زاخو ولبن الحمزه انـﮔله
ويبن اربيل ﮔوم وياي لبن سامره نـﮔصدله
ويبن ميسان وسماوة ودوانية وكربله و كركوك بشره انزفله ونطشله
وابن دياله خله ايـﮔوم ويزيح ابساع للعله
ﮔوم وانصب الافراح صيح بصوت واحد صيح
صدام النذل وله * صدام النذل وله *صدام النذل وله
**************
تحياتي
ضايج من الغربة
قاسم السماوي