-
سقوط عباس جيجان...منقول
مع الاسف الشديد ... عباس جيجيان اعجبني بجمالية القائه وشجاعته في فضح نظام صدام المقبور..سابقاً.. ولكن ما الذي جعله ينزل الى هذا المستوى الوضيع الذي ان دل على شيء فانما يدل على ان هذا الشاعر متسول يستجدي لقمة عيشه من ايادي طالما تلطخت بدماء العراقيين وغير العراقيين..مع الاسف يا عباس جيجان لقد سقطت من عيون العراقيين...مو خوش عاقبة
http://www.akhbaruna.com/node/3055
ردا على عباس چيچان
مقدم بواسطة عبد الغفور الموسوي 2007-01-24
ردا على ابن چيچان القذر المنحط
ردا على قصيدة البارحه شفت الوطنبالطيف اجاني البارحه
الى عباس جيجان الخائن
اليكتب شعر عن الوطن ** لابد علينه نفاتحه
ونشرحله احوال الوطن ** ونحچي اموره الواضحه
هذا الوطن يكرم ترى ** مابيه صاحت صايحه
عباس تعتب عالوطن ** وشاعر بعد للذابحه
من چنت تشعر عن جبر ** صدام چنت اتصافحه
وصدام چان الكم ضمد ** والكم بطاقه رابحه
على ايران ايدتوا الحرب ** والحرب گلتوا ناجحه
ومن وصله لجده علي ** غير العهور المايحه
اقبال گالت بالشعر ** وايدت شعر الدايحه
اطفال الوطن منكم ترى ** ضلت دمائهه شافحه
بالثور توصف هالوطن ** يالچنت جرنك جارحه
ابطال ضلت بالوطن ** تلاوي الوحوش الجارحه
وماساومت لهل الغدر ** للموت تهتف رايحه
وهيچ انت گلبك عالوطن **وصاير شريف تصارحه ؟؟
وشمعنى بس انت الوطن ** بالطيف اجاك البارحه
وماذكرّك عن المضى ** وعن الشعر وفضايحه؟
بالطيف من جاك الوطن ** شلون الك چف اتصافحه!!
بس هيه ذيچ مكشّفه ** چذبه بدموع المالحه
ومو بيدك تمّوت الوطن ** وتنصب عليه الفاتحه
الموت لاصحاب البعث ** العبرت حدوده طافحه
المـــــــــوت لاصحاب البعث العبرت حدوده طافحه
وياريت لو بيك خير ياعباس جيجان وترد عليه.
-
صح السانك ياسيد عبدالغفور الموسوي . وعاشت ايديك اخي نبيم على النقل .
-
رداً على الاعور الدجال عباس جيجان . . شعر: قاسم هندي السماوي
ويه الفجر يوم العيد
غراب البين نعـگ
وكـّثر بنوحــه
ينعه على النذل صدام
وحنجرته من النعيـﮓ اصبحت مبحوحه
ويه نحر النحور ايـﮕول
اصديم قدم للوطــن روحه
ولك صدام لو عنده الوطن غالي
ﭽـا موش بحفره طم روحــه
جبل ﭽـان العراق وما هزهزاه الريح
بس هدام هدم بيده لصروحه
وﭽن مثل الهدف خله العراق ايصير
وحتى الما رمه بعمره نيشن ﮔـام ويلوحه
لـﭽن طبعك نذل والعاشر الانذال
يصير إقياســه مرجوحــه
ومثل ذيل الـﭼـلب اعوج
ماينعدل لون دﮔـيته باللوحه
وتخاطب رغد وتـﮕـلها لا تبـﭽـين
بس دمعـة حزن عله النذل مسموحــه
بس كافي اللواﮔـه وكافي هالخذلان
يالاعور لعبتك صفـت مفضوحــه
لو بيدي الامر لضربلي بسمارين
واحد ادﮔـه بـعين ابن ﭽـيـﭽـان والثاني
ادﮔـه بعين صبوحــه
عدنـه عيون وشفناه للحبل ملفوف على الرﮔـبه
ﭽـيلن انت اعـور شفتها الرﮔـبه ملفوفه
ولان كل
شوفتك مـﮔـلوب
شفتها البصرة حزنانه وشفتها تلطم الكوفـه
ولك
رﮔص شعب العراق وصار عنده العيد ﭽـن عيدين
ومن كثر الصفـگ ما تعبت إﭽفوفــه
وضحك نهر الفرات ولبس ثوب العيد
ودجله اتهلهل اجـروفـه
وبرتقال دياله اتلاﮔـه وي نخل الجنوب
بفرح ويحرﮒ اﭼـتوفه
والحدباء وﮔـفت ﭽـن شباب اتـﮕول
إحديثه اليوم مزفوفــه
ولك مثل الطلي جابوا ابو الليثين
وكلهه اعيونه اتشوفه
اعذرك
لان شوفك يبن ﭽـيـﭽـان ﭽـان بعين مزروفــه
-
مقدم بواسطة احد خدام الحسين
بيوم العيد اجت لطمة عله عين ابليس
والشر طاحت اصروحة
وكبل نحر النحور اصدام لهسه بسافره روحه
الاسد من ينجرح يغضب وما يمشي وي سجانه
عزمه يصير بجروحه
الجبل ما يلبد بحفره ولا ينكاد وعل شاشات شفنه اسراره مفضوحه
وانت ماتخاف الله اعرفك زين
عينك دوم علدولار مشبوحه
مثل حربه وشمس شفناك من زغرك
ماصخ ماكو عندك ذرة ملوحه
الحمد لله انغلك صدام
كبل جيفه وعلناس مفتوحه
ارواح الشهداء انته الترد عليك
وجثير احرار مذبوحه
ودم بنت الهدى يداعيك ياعباس
وصدرنه الاول بدمعات مسفوحه
وتشفعلك رغد موش البتول اهناك
مثل صدام هية اتصير هلبسمار منج بيج يا لوحه
جريمة تنحسب علبصرة ياعباس
هم زين الوطن منك خلت سوحه
ياهو اليدفع اكثر انت تمدح بيه
بيك اطباع معروفه
نسيت شلون سنة الواحد وتسعين من حصروك
وصرت دودة ابطن صوفه
نسيت اشلون بالاردن تجدي هناك
وياهو الي لكيته تحبحب اجفوفه
عله هاي القصيدة شكثر دفعتلك رغد ولحيت ابوها ابعار منتوفه
وهو الشاعر المثلك ما اله قيمه يبجي عله مصروفه
شوه جبهة التاريخ اسم صدام
انكتبت عورة ابن العاص بحروفه
بجه حته الحبل من ركبتة النتنه
وكلبجه الزندة اجفوفه
وجفوف التجيسة ابد ما تنظف
لونه بزاهي مشطوفه
هوه يازمن يشهد لبو الجلبين
الوادم تشهد بخوفه
المشانق مراجيح الزلم سوته كبل صدام
الكيلك غير سالوفه
عليمن نينوى تبجي
قابل مات ابو السجاد
وتلطم عله احسابه وتحزن الكوفه
لهسه الصدر يبجي عليه محرابه
يبنل على الدنبك هاز اجتوفه
