درفرف ياعلم عالي > من زاخو وللبصره > وخلّي اللي يموت ايموتْ > بين القهر والحسره
[align=center]http://www.dw-world.de/image/0,,1664791_1,00.jpg[/align]
[align=center]درفرف ياعلم عالي
من زاخو وللبصره
وخلّي اللي يموت ايموتْ
بين القهر والحسره
درفرف والوطن
منصور
ازهي وشارك ابنصره
~~~~~~~~~
ويظل راس الوطن
مرفوعْ
وانته اعگاله والغتره
وتظل راياتنه الليفوگ
وتظل اسيوفنه
حمره
,,,,,,,,,,,,,,,,,,,,,,
ومرابعنه سگاهه الماي
توهه وطگتْ الخضره
واهوار الجنوب الچان
حسره اعليهه
كل گطره
اجاهه الماي من دجله
الفرات انطاهه
كل عمره
~~~~~~~~~~؟؟؟؟
ولنهه امن الفرح
تصرخ
وبصدرهه اختنگتْ
العبره
وبدت تزهي وتردْ
الهه السمچه وطيرة
الحره
,,,,,,,,,,,,,,,,,,,,||||
وبردينه وگصبنه ايناشد
البلام
ردْ النه المضيف ودلته
وجمره
الگصب والبردي صارن
للچلچ
عنوان
وشمحله الچلچ وبليلة
الگمره
~~~~~~~~~~~~
وجواميس العرب لو
گيّلتْ بالماي
يحله الوكت عدهه
ابعالم الفطره
وچانون الربع لمن يجيهم
ظيف
متوجّرْ يظل لو طالتْ
السهره
الاصاله الكرم والطيبه
الملح
والزادْ
ناموس العشيره ومعدن
العشره
؟؟؟؟؟؟؟~~~~~~
وهذا الشعب مو هسه
تره امن اسنين
دوّخ كل قياده
وحارت بامره
من طبع الارض
طبعه
على العدوان
بركان ايتفجّر ساعة
الغبره
~~~~~~~~~~؟
ويحط روحه نذر للي
يجيه
نخّاي
مهو رمز العطاء
ومن علي
الشمره
مو منهم خسيس الباع
دينه
وخان
ولا منهم هذاك الفجّر
الحضره
؟~~~~~~~؟
ولا منهم البعثي الساقط
الدجّال
ولا منهم الضاري وچهرته
القذره
ولا مطلگ بعد منهم
ولا مشعان
لا طارق ولا عدنان
وحتى الدايني
النكره
~~~~~ ولا منهم بعد
برزان
لا وظبان
لا سبعاوي
لا قائد الامه
الختل بالحفره
؟؟؟؟؟؟؟؟؟؟؟؟؟؟؟؟؟
ولا مجلس قيادتهم
الباع الناس
لا حزب البعث
لا عفلق
وفكره
ولا منهم الما عنده وفه
الهالگاع
ولا منهم الباع الوطن
وتبره ~~~~~
؟؟؟؟؟؟؟؟
هذوله الوطن نابذهم
وكل الناس
لا نعرف اصلهم لا الهم
شجره
ذئاب اتسللو غفله
ابجناح الليل
وذبحو كل شريف
وسبو كل
حره
؟؟؟؟؟~~~
العراق اتبره منهم
والشعب والناس
وحتى الگاع
منهم بعد
تتبرّه
وصحينه ~~~~ ولن وطنه
امحزم احزامين
وگف شامخ
عزيز
وماحنه ظهره
~~~~~~~؟
ولا طخ راسه الهم
رغم كل
ماصار
وظل مرفوع
راسه
ومانقص گدره
الشعب واعي وشجاع
وجاوز الكلفات
واللي باقي
منهن
نگدر انعبره
ابعون الله اللي
باقي
نگدر انعبره
~~~؟؟؟~~~~~؟؟؟
علي البهادلي[/align]
