حسين كريم العامل
ادى تنوع النشاط البشري والتباين الواضح في تضاريس البيئة والبنية الاجتماعية في مدينة الناصرية الى تعدد وتنوع المصادر التي استقى واستنبط منها المثل الشعبي حكمته في هذه المدينة الجنوبية.
فالناصرية التي تشكل مناطق الاهوار خمس مساحتها وتتخلل القرى والمناطق الريفية معظم ضواحيها وتسور الصحراء جنوبها وجنوبها الغربي ويسكن نصف سكانها الحواضر والمدن قد تميزت امثالها الشعبية بالتنوع وتفردت بالشمولية حتى بات من المتيسر ان تسمع امثال بدو البادية في هذه المدينة وامثال فلاحي الريف وافندية المدن وصيادي الاهوار اضافة الى امثال النساء والحرفيين والمثقفين.
وهذه الامثال على الرغم من احتفاظ الكثير منها بطابعه الخاص الا انها تداخلت وتفاعلت وتلاقحت بشكل او باخر في حواضر المدن والمناطق المحيطة بكل بيئة من هذه البيئات ، حتى اصبحت تعبر بصدق عن خصوصية هذه المدينة وتعكس مجمل نشاط ابنائها الاجتماعي والاقتصادي والسياسي والثقافي ايضا.
والتركيز هنا على دور وتأثير العوامل البيئية والتركيبة الاجتماعية في استنباط وصياغة وتركيب شكل ومضمون المثل لا يعني ان الامثال الشعبية في هذه المدينة لم تتأثر بعوامل اخرى فالكثير منها استمد مضمونه من بطون الكتب السماوية والاحاديث النبوية وبلاغة الائمة واقوال الحكماء وما نظمه الشعراء من قصائد عامية وفصحى، هذا فضلا عن تأثر المثل في الناصرية بالوقائع والاحداث التاريخية سواء كانت منها خاصة او عامة.
ولتوضيح ما سبق ذكره نورد فيما يلي جمهرة من الامثال الشعبية المتداولة في مدينة الناصرية مصنفة بحسب البيئة والشريحة الاجتماعية التي تستخدمها.
1- امثال البادية
* اكرموا الاصايل وبنات الحمايل
* فرخ الحبارة ما يطرد الحوم
* لو بالروض عشب چا كلته اجمال اهلنه
* خطار ما عمر عرب
* يسطي ويه الذيب ويصيح ويه المعازيب
* امعاجب الرعيان سارح
* الدبر ما جاع والركع ما عره
* الحك بالسيف والعاجز يدور شهود
* گوم التشاودة ما ذلت
* كل لحية وله مـگص
* الما يعرف الصـگر يشويه
* العاد ما چنه شرد
2- امثال الريف
* ازرع دوم تاكل من زرعك كل يوم
* اليخاف من العصفور ما يزرع اذره
* چلب الهايم احسن من سبع النايم
* البـگلب الضيف يقراه المعزب
* تحزم للواوي بحزام سبع
* اسمك بالحصاد اومنجلك مكسور
* اواعدك بالوعد وسـگيك يا كمون
* اخلصه من الـگوم تتلـگاه المنية
* ما خذهه افلاحة املاچة
* ما يغلبك غير گـعاد الفي
3- امثال الاهوار
* انصب الشبـچ اوعلى الله السمـچ
* ادفعه بـگصبة گبل ما تعتاز مردي * اشـچـخ الفالة عد راس الـگطان
* غيضة الرگ على الشط
* صاير مثل رگـة الشلب
* مثل ذيل الرگـة لا يهش اولا ينش
* أيـگيش الماي ابذيلة
* مثل الدواب دوم امـگيل بالماي
* هم رايحه للـگصب وهم ماره بالسوادي * ايطوف على بردية
* عرس يونس طلـگ يونس
4 – امثال المدن
* الشهر المالك بي خبزة لتعد ايامه
* عـگب ما شاب ودوه للكتاب
* اسال مجرب ولا تسأل حكيم
* البيت التطبه الشمس ما يطبه طبيب * مجدي ما يحب مجدي
* السمـچـه خايسه من راسهه
* بيع من عشاك واشتري ضواك
* الباب التجيك منه ريح سده واستريح * الخبز مخبوز والماي بالكوز
* حلو السان جليل احسان
* مو كل حلاوة علاچية ولا كل مدعبل جوز
* الظلم لو دام دمر
* الما يعرف يرگص أيـگول الـگاع عوجه
5- امثال النساء
* اتجوع الحرة ولا تاكل من ثدييها
* كلشي دين ابدين حتى ادموع العين
* جوه الفحول ما تحول
* ضحـچته عزيزة واحـچاياته بالمثاقيل
* جيبي احجار اوثـگلي الدار
* غصة بغصة ولا گصة ابـگصة
* البين علمني النواحة والفـگر علمني الشحاحة
* من جلت الوالي صحنه للـچلب خالي
* اخذي ابو صنعة ولا تاخذين ابو قلعة
* ابن العم لو حصل الغريب راس بصل
* لو رضت العجوز علـچنة چا طب ابليس للجنة
*عـگـب الامهات دنو الخالات
* بنية على بنية ولا گـعدت العارية
* مكروهة اوجابت بت
* عـگب ما خلص العرس اجت الرعنة تهلهل
6- امثال الحرفيين
* ابن الحايـچ اينبنب
* سبع صنايع والبخت ضايع
* اطي الخبز خبازته لو تاكل نصه
* اذا عزل الـگصاب گـعد الـچلب علباب
* اليعيش بالحيله ايموت بالفـگر
* اليشتغل بغير كارة أيـگل مـگداره
* الشغل بلايه استاد فساد
* عينك على حلالك دوه
* اشتري اباره اوبيع اباره اولا گـعدت البطالة
* ايد البـگال نـگسه
* طلعت البطانه اغله امن الوجه
7- امثال المثقفين
* اين الثرى من الثريا
* كحاطب ليل
* ان من البيان لسحرا
* لكل جواد كبوة
* انفك منك وان كان اعوج
* على الباغي تدور الدوائر
* اول الغيث قطر وبعده ينهمر
* الولد على سر ابيه
* اسمعت لو ناديت حيا
* رب رمية من غير رام
* المعنى في قلب الشاعر
* شر البلية ما يضحك
* جنت على نفسها براقش
* هواء في شبك
* ما هكذا تورد الابل
* ما خاب من استشار
* ما خفي كان اعظم
منقول عن المدى العراقية
