يالمقتدى أحنه أوياك /قصيدة لطم
[align=center]يالمقتدى أحنه أوياك *** لثار الصدر جيناك *** تاخذ بدينه
كل أحنه عد عيناك *** دين وعلم شفناك *** وإيدك أمينه
نحمل سيوف أثنين *** ثار الصدر وحسين *** واجب علينه
************************************************
(1)
كل أحنه أنشارك وياكم ... بهاي المصيبة
شيبت مرجعنه محمد ... بالدم خضيبة
للدين أنضحي وما نبخل ... ندفع ضريبة
شيعة ومنفارﮒ مذهبنه ... وشمايصيبه
يبن السيد ﮔوم ونادي ... لثارك نجيبه
عين أم مئمل تتلهف ... حالة غريبة
تنعه الفحول *** بنت الأصول
إسمع ﮔلبهه شﮕال *** لمن نعوا الأبطال *** يبني أريدك
تتلﮕه هالأجيال *** يبني حزنهم طال *** إنطيهم أيدك
مقتدى نور العين *** ثار الصدر وحسين *** واجب علينه
(2)
يبن الضحه بروحه وجاهد ... شاف المنية
أنطه لأجل الدين أولاده ... أثمن هدية
لابس جفنه وشاهر سيفه ... بغيرة وحمية
ﮔمت أتخيل وأني بجنبه ... بالغاضرية
مثل حسين أيحارب بالطف ... كل آل أمية
ﮔوم إنحارب كلمن ظالم ... كلنه سوية
كل النفوس *** تاخذ دروس
من حوزت الأبطال *** رغماً على الأنذال *** سيدنه أنته
وأبن الصدر لوﮔال *** نفدي العمر والمال *** نسمع كلمته
تجوي الﮕلب نارين *** ثار الصدر وحسين *** واجب علينه
(3)
كل أبناء المذهب تتنطر ... صوتك يغالي
فدوة إنروح لأجلك وأكثر ... لامانبالي
سيف الحق بأسم السيد ... بيدك حلالي
إنته الوارث علمه وحلمه ... ونورك يلالي
بشخصك يبقه السيد عايش ... واﮔف أكبالي
وأبقه أتأمل منك مرجع ... طول الليالي
رغم الظروف *** لا ما نعوف
نهجك يبعد الروح *** رغم الﮕلب مجروح *** بيدك تلمه
شوف الصدر مطروح *** وبلا ذنب مسفوح *** ياوسفة دمه
ﮔلي الصبر ليوين *** ثار الصدر وحسين *** واجب علينه
(4)
ﮔلبي إينادي ويهتف بسمك ... مقتدى وينك
دم إخوانك يم السيد ... أنظر بعينك
بس إتحزم شوف أنصارك ... الكل يعينك
فدوة أيروحن كل أسنيني ... لخاطر أسنينك
خلي الراية بجفك وإمشي ... وسيف بيمينك
ﮔلبك مدري شلون إتصبرة ... ولوعت حنينك
دم ودموع *** تحت الظلوع
يالمقتدى اللي صار *** بﮕلبك يظل تذكار *** مشتعله ناره
أيدك مع الأحرار *** نصرخ نريد الثار *** هاي العبارة
كل ما تمر أسنين *** ثار الصدر وحسين *** واجب علينه
(5)
صوتك عالشر لمن تصرخ ... صدري شعاره
صوت الحق بوجه الظالم ... يصبح منارة
أتهز أﮔلوب العالم كله ... وسط المعاره
أيهز أحساس الشيعة أوجودك ... أجمل إبشارة
موت السيد يلهب بينه ... وماتطفه ناره
كل الشيعة أتذوب بحبه ... وماتنسه ثاره
صدري الحبيب *** لا ما يغيب
مثل الصﮕر لوصال *** تتراجف الأنذال *** مثله نريدك
بشخصك زرعنه آمال *** حجي الصدﮒ ينﮕال *** وأيدينه بيدك
نصرخ على الصوبين *** ثار الصدر وحسين *** واجب علينه
(6)
من أتروح لقبر السيد ... تعاين المنظر
إهناك أتسيل أدموعك يمه ... تبدي تتذكر
جان السيد لمن يصرخ ... ﭼن أسد يزئر
منهو أيصدﮒراح السيد ... خالي المنبر
مثل أشموع أيذوب ويضوي ... بالعلم يزخر
وأنته اليوم أنريدك مثله ... وكلنه نتنطر
أنته الدليل *** صدري أصيل
متمسكه بيك الناس *** تدري بوفه وأخلاص *** تجري المدامع
صادق ترة الأحساس *** بس أنته رفعت راس *** يبن المراجع
بس أنته تعرف زين *** ثار الصدر وحسين *** واجب علينه
(7)
وحشه الحوزة بدون السيد ... ومسجد الكوفة
بلاية الجمعة شلون المسجد ... عينك أتشوفه
من تشتاﮒ لشوفت وجهه ... ولمست أﭼفوفه
جان بكل حنية أيعاين ... نظرة عطوفة
واجب كلنه لنهج السيد ... أنوحد صفوفه
نعلن ثورة بوجه الظالم ... لا ما نعوفه
وأحنه الجميع *** أمرك نطيع
تدري شكثر تانيت *** دم ودمع صبيت *** مسدودة بابه
وللمقبرة أتعنيت *** لمن شفت حسيت *** لوعت مصابه
صوبني سهم البين*** ثار الصدر وحسين *** واجب علينه[/align]
