وصية الزهراء (ع) إلى العقيلة (ع)
المستهل
ـــــــــــــــــ
[align=center]ينور أعيوني يازينب *** أخوﭺ حسين يتعذب
تشمينه *** وتودعينه *** ينور أعيوني يازينب
**************************************
(1)
بوحدة من تشوفينه ... يحير ألمن يصد العين
يظل حاير يصب دمعه ... أوصيﭻ بأخوﭺ حسين
من يبقه وحيد إهناك ... حزين ومابقاله معين
أريدﭺ زينب بهاليوم ... صدرة ومنحرة إتشمين
وصيتي لا تعوفيهه *** ألم وأحزان أذكريهه
تشمينه *** وتودعينه *** ينور أعيوني يازينب
(2)
إذا شفتي السبط حاير ... يدير ألمن بعد عينه
ألي مطلب يظل عندﭺ ... تنادي أعليه تودعينه
وأذكريني على صدره ... تمر أيدﭺ تلمسينه
وعلى المنحر وصيتي أوياﭺ ... يزينب من تشمينه
دموعﭻ من تصبيهه *** وبالحسرة تهمليهه
تشمينه *** وتودعينه *** ينور أعيوني يازينب
(3)
ومن بعدﭺ تجي سكنه ... تشمه بمنحره وصدره
تﮕله بويه منهو الظل ... يحامي حرمت العترة
خلي أيدك على راسي ... مثل أيتام أنه بحسرة
مسد بويه فوﮒ الراس ... صبح دمعي مثل جمرة
وصيتي إوياﭺ أخليهه *** طلب مني توفيهه
تشمينه *** وتودعينه *** ينور أعيوني يازينب
(4)
تحسين إبمرارة أهناك ... من يبقه السبط وحده
تقدميله الفرس بيدﭺ ... وتشوفين الجمع ضده
وعباس الﮕمر مذبوح ... صريع وعالثره خده
تﮕوليله البتول أعليك ... تسلم يا فخر جده
على سبط الرسول حسين *** دموعي سالت إمن العين
تشمينه *** وتودعينه *** ينور أعيوني يازينب
(5)
تشوفين السيوف أعليه ... غدت كلهم يضربونه
بحجر ينصاب أبو اليمه ... يسيل الدم على أعيونه
بسهم متشعب بﮕلبه ... و بلا رحمة يصوبونه
تشوفين الشمر ﮔاعد ... على صدره ويذبحونه
دموعج زينب بحسرة *** تهمليهه على نحره
تشمينه *** وتودعينه *** ينور أعيوني يازينب
(6)
تشوفين الخيول إدوس ... على صدره بحوافرهه
وناس أعله الخيم بالنار ... أبن مرجانه وجرهه
وناس أتسلب أثيابه ... باعت كل ضمايرهه
يتامه أتفرهدوا بالطف ... يزينب منهو ينصرهه
حسين إتﮕطعه العدوان *** يزينب ينذبح عطشان
تشمينه *** وتودعينه *** ينور أعيوني يازينب [/align]
