[align=center]لگبرك رحت متعني *** سيدنه لو تسمعني *** تبچي أعله حالي بدمعاتك
تبچي أعله حالي
ظهري بغيابك محني *** والجمعة راحت مني *** تبچي أعله حالي بدمعاتك
تبچي أعله حالي
هذا أنه أبنك *** حرموني منك
************************************************** **
(1)
عليك بهل مسية الشوﮒ وداني
وأجيتك ياشهيد أشرحلك أحزاني
أمر أعله الجمر ومرافگ أشجاني
طفل همي وترعرع تدري بأحضاني
مثل ميت ﮔبل شخصك چنت أني
وعبر صوتك حواجب روحي وأحياني
چانت گبل أيامي *** تضحك چذب گدامي *** عمري بوجودك حسيته
عمري بوجودك
بعينك شفت أحلامي *** بلسم شفيت آلامي *** عمري بوجودك حسيته
عمري بوجودك
فجأة وخسرتك *** حرموني منك
(2)
أجيت أشرح مصايب بالگلب تلسع
مصيبة من مصيبة أعظم وأفجع
لون تدري بجروحي وبية لو تسمع
تون لجلي وتجود لحالي بالمدمع
لچن صوتي الصدة أيردة وعلي يرجع
مثل بركان صبح همي الگلب منبع
من شوفتك حرموني *** أيد ورجل قيدوني *** عاين جروحي وحسراتي
عاين جروحي
عن جمعتك بعدوني *** أذرف دمع خلوني *** عاين جروحي وحسراتي
عاين جروحي
دمعي يخبرك *** حرموني منك
(3)
يوم اللي شفت نورك علي نور
حرت چن الشمس تخطب على المنبر
لون عشت العمر وياك أريد أكثر
لأن شخصك حبيبي ونضرتك تسحر
صرت بعدك غريب ولوعتي تكبر
مصيبت فگدك بﮕلبي جمر تسعر
جمرة الدمع صبيته *** من الگلب حسيته *** نار المصايب تچويني
نار المصايب
گلبي الذي داويته *** والجمعة صارت بيته *** نار المصايب تچويني
نار المصايب
وين ألگه مثلك *** حرموني منك
(4)
ألك أدري يبونه إشتاگت الجنة
لچن گلبي ينادي من كثر ونه
بدت أول مصيبة بغيبتك عنه
لبس گلبي الحزن ولشخصك إتعنه
أسولفلك جروحي وأشرح المحنة
ألك أشكي يكهف الثائر وحصنه
لمن رحت يالغالي *** بس الحزن يربالي *** ليلي ونهاري بحسراتي
ليلي ونهاري
ريتك تعاين حالي *** يسعر جمر دلالي *** ليلي ونهاري بحسراتي
ليلي ونهاري
وگلبي اليحبك *** حرموني منك
(5)
أجيتك والجروح بهالگلب جمرة
وحرت لمن أجيتك ياجرح يبرة
صفت كل المنابر دونك بحسرة
تناشد كل آذان وتسچب العبرة
وين اللي نذر لجل الصدق عمرة
لبس چفنه وتحدة الظالم بصبره
جيت بألم متعني *** أشرح جروحي وحزني *** حيرني دهري وخلاني
حيرني دهري
صرت بغيابك عني *** سهم الغدر صوبني *** حيرني دهري وخلاني
حيرني دهري
جاوبني گبرك *** حرموني منك
(6)
صفت كل المساجد بالحزن تسهر
تناطر ترجع الجمعة وتوم أكثر
بجمعتك چانت الناس بشغف تحضر
صرت كل ما أشوف الوادم أتحسر
خلت كل الجوامع لا جمع تذكر
عمت عين الذي للجمعة يتنكر
راح الذي بأچفانه *** ترجف ذعر عدوانه ***بس أنته قائد يمحمد
بس أنته قائد
ردتك تظل ويانه *** مذهبنه تشفي أحزانه *** بس أنته قائد يمحمد
بس أنته قائد
گلبي أعله گلبك *** حرموني منك[/align]
