[align=center]قطعوني في كربلاء .... خظبوا شيبتي بالدماء
هكذا جدي يراني
***************************
(1)
شفت بالطف جروح أشكال ... شفت لوعة علي الأكبر
يصب دمه على التربان ... شبيه المصطفى موذر
حضنته والدموع أتسيل ... نزف جرحي بعد أكثر
يشيعة من شفت حاله ... مثل نار الگلب وجر
أغرقوني في دموعي ... أطفأوا كل الشموعي
هكذا جدي يراني
(2)
شفت طفل الرضيع أنصاب ... شفت سهم الذبح نحره
نزل دمه على صدري ... شنو ذنبه أنسلب عمره
تشوفه أعيوني دمه أيسيل ... نفذ من الگلب صبره
رميت أعله السمه بدمه ... ولا طاحت أبد قطره
ملأوا كفي بالدماء ... داعياً رب السماء
هكذا جدي يراني
(3)
شفت عباس أخويه أنصاب ... حرت مدري أنسلب فكري
نزل دمعي ونزف جرحي ... صحت هسه أنكسر ظهري
عمت عيني چفوفك وين ... الدمع من عيني دم يجري
ضخر ردتك تظل يمي ... يخويه لعازتي ضخري
صوبوني في فؤادي ... كسروا ظهري وعماد
هكذا جدي يراني
(4)
أسمعت صوت الحرم تصرخ ... شفت نار الخيم تسعر
شفت زينب تهل أدموع ... جرح گلبي يظل يكبر
شده بالي العليل الگام ... يريد أيقاتل العسكر
بقيت بوحدي بين أعداي ... عليه أتحزموا بالشر
شهروا نحوي السيوف ... قطعوني في الطفوف
هكذا جدي يراني
(5)
صرت بين الجمع وحدي ... صحت منهو اليرد عني
صحت عباس أخويه وين ... يريتك خويه تسمعني
نفذ سهم العدة بگلبي ... نزف جرح الگلب مني
طحت بين العده مخضب ... شفت جدي يباوعني
بالدماء خضبوني .... فوق صدري يذبحوني
هكذا جدي يراني
(6)
شفت خيل العده تسحگ ... تدوس وهشمت صدري
شفت راسي أنگطع مني ... ودمي أعله الأرض يجري
صفه فوگ الرمح راسي ... شكثر خاين طلع دهري
تعاين حالتي الأيتام ... يشيعه شگد صبح قهري
رأسي مافوق الرماحِ ... واليتامى في صياحِ
هكذا جدي يراني[/align]
