بسمك يصدر الدين

[align=center]المستهل
بسمك يصدر الدين / نصرخ على الصوبين / ولمقتدى الرايه
كل أحنه ألك أنصار / ياسيــــــــــــد الثوار / ولمقتدى الرايه
*********************************
(1)
أتذكر كل يوم أيامك ... وأبچي أعله حالي
كل ليلة إمصابك يتجدد ... طول الليالي
ذيچ الشيبة وذاك المنبر ... يرسم خيالي
وصوت الناس التهتف بسمك ... يوصفهه بالي
بكل صورة إتشاهدهه أعيوني ... لشخصك يغالي
هالت نور إتحيط بجسمك ... ونورك يلالي
أيحير الدمع بالعين / شخصك أجيبه منين / وإيسكن إبچايه
بعيوني مثل النار / ياسيــــــــــــد الثوار / ولمقتدى الرايه
(2)
وي الشوگ أحزاني إتسافر ... يم گبرك إتحوم
تشبحلك نضراتي بلهفة ... تتنطر إتگوم
ولو داعب أفكاري المنظر ... أتأمل إيدوم
ومن يسكن دلالي ويهده ... إتفز الهموم
يرجع گلبي بجرحه الينزف ... وإيصب الدموم
مونار إفراگك يمحمد ... أقسى إمن السموم
وأبقى أشرح الأشجان / وأتوچه بالأحزان / وإدموعي ويايه
كل لحظة ألك تذكار / ياسيــــــــــــد الثوار / ولمقتدى الرايه
(3)
كل ما تنظر عيني الكوفة ... تتصفح إجروح
روحي إتغادر جسمي وترحل ... ولگبرك إتروح
تاخذ كل أيام الماضي ... وإتعدهه بالنوح
تلگه أكبر أحلامي الچانت ... بالكوفة مذبوح
نعش أحلامي أتشيعه لگبرك ... تتوجه الروح
عطر إخلاصك روحي إتشمه ... من گبرك إيفوح
عطر الوفه وإخلاص / قدمته لجل الناس / يالثورتك آيه
تشهدلك الأحرار / ياسيــــــــــــد الثوار / ولمقتدى الرايه
(4)
من غابت عينك عن عيني ... إو وجهك اليزهر
مثل أدموع العين إجروحي ... وگلبي إيتحسر
فوگ إجناح الريح أبعثلك ... لوعت المنظر
ضاعت ذيچ الجمعة لشخصك ... ظاخرهه حيدر
منهو الطايح عالگاع إنته ... فكري تحير
لو كوكب طايح بالكوفة ... وبالدم تعفر
إسمع أسد كوفان / أشرحلك الأحزان / وأكتبهه بدمايه
يامنبع الأفكار / ياسيــــــــــــد الثوار / ولمقتدى الرايه
(5)
لوهاجت أمواج آلامي ... بدموم أندبك
مايوسعني العالم كله ... ويوسعني گلبك
إتغيب أفكاري إتزور الماضي ... تبچي أعله نهجك
وأرجع وي مركب أشواگي ... ولشاطي حبك
ريت أتحول طير وأرحل ... يصحبني شخصك
بجناح أحزاني وآلامي ... وأتعنه دربك
أصعد على المريخ / وأكتبلك التاريخ / وكل نجمة بسمايه
وإسمك على الأكتار / ياسيــــــــــــد الثوار / ولمقتدى الرايه
(6)
لملمت أحلامي بأيامك ... خوفي إتبعثر
وأكتمت إجروحي ودمعاتي ... لكنهه تسعر
وإمشيت أعله أشواك أهمومي ... كل خطوة أعثر
مدري اللي إمفارگ أحبابه ... بيش إيتصبر
لن أسمع صوت إمن الكوفة ... من على المنبر
صوت إبنك يهتف ينصاري ... كلهه إتحظر
وألبسنه كلنه أچفان / ورحنه لأرض كوفان / للجمعة وفايه
ناخذ بدينه الثار / ياسيــــــــــــد الثوار / ولمقتدى الرايه[/align]

اخي خضير المسيباوي
اولا مبروك على طباعة ديوانك الشعري
وهذه رائعة جديدة من روائعك فكل قصائدك رائعة وجميلة