يا عراق شبيك ... للشاعر ضرغام العراقي
[align=center]موقصدي الوطن يعني الوطن بالذات
بعيون البشر هم موطن نشوفك[/align]
[align=center]يا عراق شبيك[/align]
[align=center]ساكت ياوطن والحركََه تاكل بيك
لو خايف أظن والسكته من خوفك
من حرب الحرب جبنه العمر وياك
من اكل الجثث ما ينترس جوفك
مابيك الذنب كَول الذنب چا وين
يمكن نعتذر لو نفهم ظروفك
چنت المدرسه وبيك الشعب طلاب
وبس دك الجرس شو فارغه صفوفك
تقبل ياوطن يرضيك هذا الحال
ناسك للأسف تتراكض تعوفك
وتقبل ياوطن شبانك الحلوين
تتغرب غصب تحرمهه من شوفك
جاوب لا تظل ساكت يبو الثورات
عشرينك أمس اتعيش بطيوفك
من طور الحزن ملينه ما مليت
چاطور الفرح ما تعزف دفوفك
من ريد الفرح بس كون ريدك سيف
موعيب بغمد اتنام اسيوفك
بايكَ ما صرت ما خاف من جلاد
مو هذا شعارك هذا معزوفك
چاشنهو التغير يا عراق شبيك
مو چانت دول ما تنطق حروفك
نعتب ياوطن من حبنه الك والله
شفناكم نهر عطشانه جروفك
ومن نصحك لأن صدكَنه كلنه اخطاء
يا بيت الكرم نبقه احنه ضيوفك
أصفن ويه نفسك راح تعرف زين
لو ما تنتفض چاضاع معروفك
عذراً يا وطن بس ثور حتى نثور
لو تكَضي العمر بالقيد چفوفك
لو تكَضي العمر بالقيد چفوفك [/align]
[align=center]ضرغام العراقي
2007[/align]
يا عراق شبيك ... للشاعر ضرغام العراقي
بعض الابيات من قصيدة الشاعر ناظم الحاشي
دك باب الوطن لا تطفر الحيطان وان على الوطن ناطور خليتك
بيتك من تطفره يكوم ياهو الجان يطفر حايطك ويهينك ببيتك
ولا تنطي الظهر لاصبع تحنه بموت لان هو الوصلك ونطاك شرعيتك
اخذ عيون فقرا وقيس وضع الناس لا تقيس الوضع بعيون حاشيتك
رباك الوطن وترابه غزر بيك ونعم تابى المرؤة تخون تربيتك
عافيتك عراقك من تعود يعود وكل عمرك عدم من غير عافيتك
موسني وطحت والسنة تبجي عليك ولا شيعي وبجتلك فقط شيعيتك
عراقي ومن طحت طاح العراق وياك وذبت كل عكلهه عليك اهاليتك
ساريتك جف علي اللازمهه كلي شلون يتعب جف علي وتطيح ساريتك
هذه القصيدة طويلة لكن هذه ابيات متفرقة منها وانشاء الله نكتب القصيدة بالكامل
