ابيات ابوذية

ابيات ابوذية للشاعر زهير سعيد المخزومي مهداة الى الاُم العراقية التي فقدت اولادها في المقابر الجماعية على يدْ زمرة البعث الماسوني الدخيل

* * * *

ذبل هرش الگلب يبناي عوده

وانا من احبابي ما حصلت عوده

يرد للدار مـا ظن بعد عوده

ويرد شملي يـمه بيك اليـه

* * * *

حديثك رتلـه صدري واناشد

الـدهر يجرح بدلالـي واناشد

علي الغياب اريـد اسأل واناشد

يدلونـي على الراح من اديـه

* * * *

چنت وياك مثل الخل ونادم

وفلا متوسف لضايع ونادم

بس من غبت عن عيني ونادم

عليك ودمعه اجريها سويـة

* * * *

على الله اقسم بحب النبي وبآله

يهدّي بـال كل منشغل بآله

ونـهدم سور حزب البعث بآله

ونـاخذ ثار الـمغيّب إبـميه

* * * *

دم ابچي ودمع يا ناس لبنـي

منين اطلب ربـايه وذاك لبني

بفّـادي الـدهر يوليدْ لبنـي

ورماك بسجن دهري وخان بيه

* * * *

اتـمنه چـنت اولادي يـمنه

تردْ مـن السجن وتگول يمـنه

عسه انشلّت شماله وفگد يـمنه

كـلمن غـيّب الشبّان إليـه

* * * *

على ابني الچنت اتمنه خياله

يجينه ويعگد السهره خياله

حسافه تغيب عن عيني خياله

بيهم دارنـه چـانت زهيه





http://www.wadyalgary.com/fjdh.jpg