برقية من صدام الى رغـد قبل تنفيذ حكم الاعدام

رغد ما غلطوا البيجات * من سموج رغوده

رغد يم كفشة السوده * رغد جا وين سجوده

رغد وإختج حلى إبيا حال * رغد مو صار عندي إسهال

رغد ترضون أضل حمّال * بس إخذوني وياكم

رحمات إعلى موتاكم * رغد تدرين بمصابي

يدبي الكَمل بثيابي * عشاي إثـنعـش علابي

رغد من بلوتي أشكيلج * أمون إعليج وأحجيلج

لكَوني بحفرة الجرذان * إبلحيتي عشعش الذبان

وآني فارس الفرسان * رغد يبنيتي إلحكَيلي

كَبل ما موت جيبيلي * صطل بيره وصطل تشريب

من أسكر إجروحي إطّيب * بلكي يروح هذا الشيب

رغد والمحكمة تدرين * تعدمني بعد شهرين

إسمعيني يبعد العين * إنسي عركتي وي حسين

حطيلي محامي زين * أمشي إعليج عبد حمود

هذا التافه المسرود * والقاضي يريد شهود

وآني شهود ما عندي * سوّاني الوكت هندي

وشهودي غدوا طشّار * كل واحد ركبله حمار

وراحوا بسطوا بالشام * فلافل عالطريق العام

نسوني الولد رغوده * عساها ساعة السوده

وحتى أنتِ خذلتيني * عرستي ونسيتيني

وضلت دمعتي إبعيني * عكَب الجيش والحراس

وعكَب ذاك النفخ عالناس * لنّي بالسجن كنّاس

أكنس وأغسل هدومي * ويغص بالماي زردومي

إمروتج يا رغد كَومي * ودّي لبوش برقيه

بلكن يعطف إعليّ * وأرد إردود للسده

وسمج مسكَوف نتغده * ويخطب حارث الضاري

يهيبه يحفظك الباري * بس هذا بعد هيهات

ما يرجع زمان الفات * خيعونه عدي من مات

أحسده وصدكَ خيعونه * عبن ما شافت عيونه

أبوه الصار رازونه * تتفرج عليه العربان

هذي شارة العباس * توها بينت بينه

مثل الغنم ضلينه * تهنه وتاهت النسوان

كل وحده إبحضن شيطان * عليهن فزعت العربان

بعد شتريد رغوده * لكَت عرّيس عالموده

ضلت حلى وسجوده * عساها ساعة السوده
ــــــــــــــــــــــــــــــــــــــــــــــــــ ـــــــــــــــــــــــــــ

منقوووووووول