سفارة العراق في لندن....ليش يا زيباري
سفارة العراق في لندن !!
كتابات - د.مي أحمد
منقول....منتدى العراقي
http://kitabat.com/s6.jpg
منذ تغير نظام صدام , على يد الملاح , أخوة الملحة الأمريكان , وأنا في غاية السرور والإبتشار .
معقولة خلصنه!!!؟
حلم لو علم !!!؟
لك ... هذا صدام شكد كان طاغية
وشلون العراق لما تحرر منه ارتاح !!!!!!!؟
صحيح أنا حاليا أسكن فيما وراء أعالي البحار
لكن هم العراق يأرقني
بيني وبينكم .... يمكن راح تصير عندي .. لو عقدة نفسية .. لو حالة عصبية
ويمكن ربما أتخبل
http://kitabat.com/s7.jpg
يومية أسمع خبر ... الى أن إنترست إذني
وبعد ما انترست إذني
موجودة ناس تريد تترس عيني
لذلك
صديق جدا عزيز , وجدا غالي
بعث لي ع دة صور من العاصمة البريطانية لندن
تاريخ تصويرها يوم 20 / آب اللهاب – يحرق البسمار بالباب / 2007
قبل أن أعرض لكم الصور
أتمنى صبركم وسعة صدركم
واعطوني مجال بس اقول كلمتين
http://kitabat.com/s8.jpg
ضاعت لي اشياء كبيرة جدا , وغاليةجدا في عراق صدام
وضاع عندي عزاز يابو عزاز في عراق الديموكرسي ما بعد صدام
وأنا لا أتهم أحد
ولا أدعي على أحد
بس كنت ألوم أخي وزير الدفاع /مابعد صدام , ليش هم العراقيين ما همه !!؟
معقولة ما يقدر يحمي العراقيين ؟؟؟
وكنت ألوم أخي وزير الداخلية / ما بعد صدام , شنو هاي أخبار المليشيات التي تعمل بنص الداخلية وتنفذ أغراض , ضد مصلحة العراق , وضد أمن وسلامة العراقيين , ليش أخوي ؟ ليش إبن عمي ؟ هو هذا حق الأهل على أهلهم ؟
وأنا أحب الكرد , وأقول , الكرد على قد ما ظلمتهم النكات , والتي يردد رئيس جمهوريتنا الحالي بعض منها الى أن يخلص كارت حكمه , فيجرى له ما جرى لغيره قبله , وحسب ما تحتاج خطة الأمريكان في المنطقة , لكني كنت أشوف الكرد , حلوين , وأحجام طيبة .
عندك مثلا السيد رئيس الجمهورية , محيط خصره يزيد على مترين
http://kitabat.com/s9.jpg
والسيد التكنوقراط العتيد في الخارجية منذ التحرير لحد اليوم : هوشيارزيباري وقد بز بخده خدود العالمين جميعا .
وكنت أتصور مظبوطين وظابطين شغلهم , وحلال عليهم لو يستحلون العراق كله وليس فقط كردستان
ولكن :
شفت بعيني .. ما حدش قال لي
كما يغني محرم فؤاد .
نقول مثلا
السيد وزير الدفاع يتذرع بالإرهاب والإرهابيين ليحتج على عدم قدرته حماية العراقيين .
وكذلك فعل , ويفعل الأستاذ وزير الداخلية .
بس
كيف أكلمك يا هوشيار زيباري ؟؟؟؟
هذه صور سفارة العراق في لندن
تصوير يوم 20 / 08 / 2007
أتمنى اخي الزاملي أياد يعرضهن بشكل جيد
هذا المتشرد الذي نايم عند باب السفارة !!!؟ هل هو سعادة السيد السفير !!؟
قول لي يا سيد هوشيار :
إذا صور سفارتنا في لندن هذا حالها !!!؟
لعد صور سفاراتنا بموزمبيق , سيريلانكا , بوريكينا فسووو , شلونها!!؟
وبشرفك ,,, إذا صدك أنت وزير ,,, بيش شاغل نفسك هذه الأيام ؟
شنو ؟ مثل ما تقول عفيفة اسكندر :
واكع لك بحب جديد ؟
لو واكع بحب جديد ؟
