ياعباس ويا يومه

[align=center]ياعباس ويا يومه

هلا ومية هلا بالرافع الراية
والله تلوك بيدك فعل وحجاية
رادك والدي لهاليوم اله غاية
كلها تصيح
يا عباس و يا يومه


طب المعركة وصاح الله اكبر
لشوفكم الموت وانا ابن حيدر
كلمن بي عرف كام يتعثر
كلها تصيح
يا عباس و يا يومه


سبع الكنطرة وتشهدلة الساحة
فات المعركة و ايمانه اسلاحة
غربل بالعدا و حط بيهم ارماحة
وكلها تصيح
يا عباس و يا يومة


اخو خيتك صدك تشهدلك الحومة
بلا يا جفوف واكف يرعب اخصومة
ربك راد و هذا هو حد يومة
وكلها تصيح
يا عباس و يا يومة


اخو خيتك صدك حامي الضعن انت
ولوما الموت أعرف و الله ما عفتة
هلا بالنشمي حي اخو خيتة
وكلها تصيح
يا عباس و يا يومة


وصل للمشرعة بس ما شرب كطرة
ذكر حسين اخو و خنكته العبرة
ذب الماي و كال الماي ما عبرة
وكلها تصيح
يا عباس و يا يومة


ابو الفضل ابد ما ينسى فضلة
بارض الغاضرية صار جم وصلة
كال الحسين اخوي وكلشي ريخصلة
وكلها تصيح
يا عباس و يا يومة


هلا بكافل اخيته و النعم منه
ردنا الماي كام الماي جابلنه
فات على المنايا عليه ماهالنه
وكلها تصيح
يا عباس و يا يومة


كلنا الماي جيب الماي لسكينة
كال اتدللي و عمج بعد عينه
لوماتنزرف الكربة بايدينه
وكلها تصيح
يا عباس و يا يومة


اخوك حسين وانت و النعم من اخ
غدروكم بجيش و نصبو الكم فخ
بس هيهات كلها وكالت و تصرخ
وكلها تصيح
يا عباس و يا يومة

تحياتي
جواد الفراتي[/align]