على دروب الرصافة واكف الموت
[align=center][frame="6 80"][frame="3 80"]على دروب الرصافة واكــف ودرابين الكرخ صارت مجازر
نفز من الحلم نلكه الكوابيس اولايه وصارت اشباح وعساكر
بس صوت اليتامى من يجي الليل اوونين الفاكده يذوب الخواطر
بزمور التفك تتفاهم النــــــــا س زماني اليوم خالي من المشاعر
تموت انته وغصبن ولازم تموت ما تخلص بتطبيق الاوامـــــــر
على البيبان متحضره الرصاصات وعفيه بيوتنه الصارت سواتر
بحدايقنه الجثث والروس مشمورات بحكم قانون لو عرف العشاير
اعتقد ماكو شريعة التذبح اســـــلام ولاموجود بدستور كافــــــــــر
ولاعهد الرسول ونكسر اصنـــــام حته نعيش قصة ال ياســــــــر
وغربان المنايا ظاله تحــــــــــوم المغسولة كصصه من الضماير
من كل المعابر عبرت الخيـــــــل وبدون اسباب داستنه الحوافر
ولاناكه احنه بيهه ولاجمل راح ليش بلا سبب ننطي الخساير
مثل يوم الطفوف ايام بغــــــــداد يزيد وجيشه بسيوف وخناجر
وحلوات الضفايرعشكن النوح واشفاق السمر تلقي الشعائر
نار وشبت وريحته بــــــــــارود وين تروح مكطوعه الكناطر
وين تروح من تجار الارواح عنوانك واسمك بالدفاتـــــــر
بقطار الموت مرفوضة الهويات اضغار اكبار للمكبره تسافر
بريد الموت مستعجل على الناس اسرع من مهب الريح صاير
بعد ماكو بلابل فوك السطوح وعصافير الصبح كامت تهاجر
الشاعر سامي السيد[/frame][/frame][/align]
