الى سجناء بوكــــــــــــــــــــــــــــا

[align=center]الى جميع المعتقلين والسجناء الذين احتوشتهم الايادي الكافرة القذرة في اركان مظلمة بعيدة عن الروح الانسانية هاهو هارون العباسي وهدام اللعين يعود الينا بصورة الوحش الامريكي ويعيد الينا الشعبة الخامسة وامن صدام هاهو الاجرام يعود على شيعة علي ابن ابي طالب ع ونرى المجاهدين في السجون والمعتقلات امثال الشيخ عبد الهادي الدراجي وعلي النعماني واتباع الحق ولا نملك الا ان نقول اللهم فرج عنا بحق صاحب الزمان وتحت لواء لا اله الا الله وان يكون هذا تحت لواء الممهد له المجاهد مقتدى الصدر والخيرين



اصرخ يا سجين يا معتقل بالصوت اظن باب الفرج يسمع دعاوينه
الحق اصبح سراب وضاع من سنين وضاعت كل قيمنه انقذنه مهدينه
جم شاب الصبح مسجون يا هلناس وابي غريب السجن يشهد ماْسينه
هذا الطباطبائي واحد من الالاف ليش بيا ذنب والظلم نافينه
حسافه ابن النبي بالمعتقل عافوه اظن هذا الخبر بالشيعة يا ذينه
والالاف الضحايا هنالك مسجونين رجع هدام ردت كل قوانينه
بس اعدام ماكو والسجن مفتوح وجريمة كل موطن دمعته بعينه
صار ارهابي عدهم كلمن يلزموه ذنبه وكل قضيته يحامي عن دينه
نظل بكل وكت يلشعب وياك وانت بكل وكت عايش تظل بينه
يحزام الظهر للصدر جنت بيوم وهسه لمقتدى ابنه ترد دينه
عشت يم الصدر بالكوفة صار سنين ومن علم الصدر يالجنت تروينه
الك جانت مواقف تشهد الكوفان بحياة الصدر جانت شاهدة علينه
ومن راح الصدر عزمك بقى بكوفان تنصر مقتدى اعلى المحن وتعينه
وعبرت بكل خطر لاجل الصدر ملهوف لان طبعك شجاع يناصر لدينه
يل صبرك صبر موسى بسجن هارون وتحدى الظلم هارون بسنينه
يحجون بحقوق الناس كوم يزيد انشدك يا سجن شنهو المسوينه
باسم الحرية لارضك صفو محتلين تالي ابن العراق بسجن رامينه
اخبرك جم سجين بظلم بالقضبان حتى من الملابس صفى معرينه
وجم ستر لشريفه انتهك هذا اليوم وعمايمنه بقت تتاْمر علينه
عمايم للكفر تمدح خطب باقين وبني سفيان من موصينه
عدنه شكد لصوص اتامرت علدين وتبعتهم عمايم غدر ترمينه
ضاع الحك بدولتك ياحيـــــــــــــد ويزيد على الشر ظهرت عناوينه
الاف الضحايا بالسجون تعيــــــش كلي بياذنب ياشرع يا دينـــــــــــه
اليحكم هلبلد بايع ضميره لــــــدوم ودوم اعلى الظلم يحكم مخلينه
والباعو ضماير يا حسافــــــه تعيش والمظلوم عدنه بسجن نافينه
عجيبه المجرم بهل بلد يحتضنوه وعلى كرسي البلد صارو منصبينه
يا ريت الصدر بهذا الوكت موجود وكل باطل ايكشفه وهم يصحينه
امن يا شهم باب الفرج مفتــــــــوح ما دام الصدر للحك يدلينـــــــه
المهم ابن الصدر مقتدى بينه يعيش هذا ابن العراق الحامه عن دينه
يظل شامخ عراقك يا صدرنه للدوم بقيادة مقتدى وبجيش مهدينه



الشاعر طارق الموالي[/align]