خلي شعرك دومة واعي ودومة هادف(شعر شعبي عراقي)

خلي شعرك دومة واعي ودومة هادف
--------------------------
خلي شعرك يبتغي مرضاة الله .......خلي شعرك يذكرالمرسَلْ واهلة
خلي شعرك يترك القول بمحلة......ابقى واعي وابتعد عن كل سفايف
خلي شعرك دومة واعي ودومة هادف

انت شاعر ولة ناثر ولة كاصد......كون كلشي اللي تريدةَ وَأبقى رافِدْ
يِرفِدْالمجموع كلة بشعرشاهدْ........وخلة يتضمن نوادر أو طرايف
خلي شعرك دومة واعي ودومة هادف

انسى كل كول التشوفة مايفيد......خلك اتذكر مواقف يومها جداسعيد
وانسى كلشي وخلك ابدي من جديد...وانسى ماضي مايفيد وصارسالف
خلي شعرك دومة واعي ودومة هادف

احجي حكمة وعطر الجو بكلامك....كول نكتة اوفرح الجمع بسلامك
صيرمحبوب ورزن عالي مقامك ...كون صادق واجتنب جرح العواطف
خلي شعرك دومة واعي ودومة هادف

كل شعر يترك اثر طيب يخلد........وكل كلام الفيه حكمة هم يمجد
وخلي كولك وافي صافي أومسدد.....وخلة يتضمن قصص حلووسوالف
خلي شعرك دومة واعي ودومة هادف

خلك إحْبيبْ شهم حلو الشمايل......... أوخلي شعرك دومة يزهي بالخمايل
يزهي لونة ورد جوري ويتمايل........فيه لذة وفيه من طعم القطايف
خلي شعرك دومة واعي ودومة هادف

لوكنت تسمع كلام ٍفيه غيبة..............كون واثق كل نميمة فيهاريبة
وإلك مبدأيذكر المغتاب عيبة............وبعدإنشدة هوَ سامع ولة شايف
خلي شعرك دومة واعي ودومة هادف

إلي ينقلك خبرمؤذي تراه موصديقك ....ولويحبك حب حقيقي مايغيضك
هذانمام وسخيف لخلق فتنة موحبيبك..... وكول عنة كل قبيح وبعد جايف
خلي شعرك دومة واعي ودومة هادف

كول عنة إلي تكولة وبعد أكثر.............ونبه الأخوان كلهاوخلهاتحذر
من هاالأعمال الذميمة بيها كل شر........وكول عنة فد حرامي ولة حايف
خلي شعرك دومة واعي ودومة هادف