(حزن وسراب )للشاعر حيدر الغريباوي
((حزن وســــــــــــــــــــــــــــــــــــــــــــــرا ب)) الشاعر
حيدر الغريباوي
ابوسط كلبي احزان والعالم غريب
واهجس اظنوني تصيح امحيره
وابحرت كلت اوصل لشاطي الامان
واوصلت لكن اسف للمـــــــكبره
شفت وادم تمشي بس ابلايه روس
تمشـــــــــي مو كدام لا ترجع وره
وشفت حيطان ومنايه امعلــــــكات
وقلم صار الــــــسيف والدم محبره
وشفت وادم صرخت وبــــيوم عيد
او وادم اتغني واليــــــــــــــــاذن قره
وادم ابحلم البشر تنهش ضـــياع
او وادم اعله اعمــــــارهه توكف سره
عالم ايخوف لكيته ومـــــا لكيـــت
وين كلت اوصل بعـــــــــــد يا هل تره
الحاصل امشيت الدرب بس كمت اخاف
بلكي اشوف النــــــــور وابقه امناطره
عاينـــــــــــت ليلي اخذ دور النهار
والشمـــــــــــــس تنزف شفتهه امطبره
وجان افزن واصحه من حلمي الطويل
واني جـــــــــــــنت احلم فقدت الذاكره
&&&&&&&&&&&&&&&&&&&&&&&&&&&&
