عيدكم مبارك\عمار جابرالعطاوه

انا والعيد عمار جابر العطاوه
ــــــــــــــــــــــــــــــــــــــــــــــــ
واهليه أطشن فوك راس العيد
وانشغ الفرحه جذب
واراويك شكد انا فرحان
واشوفك ,
وأسألك اشجايبلي من بعيد

ياطير الوجرت عل التشاريف
اشهدلي ماعلت وياه
اخفاف اخفاف اترهدن حيد
واشهد بدمعاتي المبطنات
مارحن زياك ثوبي الجديد

ايام بطين الصبر لتمتها
وانته تهل ومابيك الشديد
غزلت شباجك بشط الأحلام
وانحاس الغزل من كثر المواعيد

بهاونك مامش هيل يندك
وعلى رناته هوايه اركصت
ياحبيبي,
يانور عيني,
ياعيد
شبعت منك وانته بغير ريحه فحت

فاضت تباريح الروح جفته
واتناوشت العذر
لني يهيمه اطشرت
بالمعايد ياهو الأكصده
وياهو اللي وياه مافرفحت

وطن وانته بيه ضيف الثكيل
سولفلي بيا ربع انته تربعت
بشماله؟
لو بجنوبه؟
بسك ياعيد الناس اتهجرت

واكحت بكل ضنون الشجن
وبالحلم حيل وياك تكافشت
جم مره تانيتك تهل بهله
بغير هلال السما
يخايب شو جزرت

ياعيد هذا مو حجي البطران
لاتحسبها نعمه وبيها كفرت
هي سوالف الجزعان
ونومة الخايف
ممن يجيه الضيم والفرحه تكترت

حال بيا حيال تعيد ياعيد
لامراجيح تفرح ازغار
انا وياك مثل مزاعل العشاك
روح وتعال بعد زمان تمديد