الاخت منازار طلب مساعدة مره ثانية بدون زحمة

أختي العزيزة منازار

طبعا مشكلتي مع الحاسبات أزلية وما تنتهي وطبعا أنتي راح تگلين منين الله جابك عليه مشاكلك ما تنتهي والجواب هو أبو حسين البلداوي هو الگلي كل متصير عندك مشكلة بالحاسبة وتحس نفسك ضايج وطلعانه روحك وتريد تكسر الحاسبة روح المنازار واحچيلها مشكلتك وإذا هي محلت المشكلة آني أنصحك إن تكسر الحاسبة مالتك وتخلص منها وعلى هذا الأساس الله بلاچ بيه شلون بلوه الله يساعدچ ويعينچ... بس آني طمعان بكرمچ وإنشاء الله متخيبين ضني ...

أختي العزيزة ... طبعا حاسبتي الخاصة ( لابتوب ) هسه كلش زينه وما بيها أي مشكلة طبعا هذا بفضلچ أنتي بس هسه عندي مشكله بالحاسبة مال الدائرة وهي حاسبة بدون انترنيت وجديدة ومواصفاتها جدا عالية بس فجأة صارت متنطاق وذلك بسبب فايروس على ما اضن اجتاح حاسبتي وخربط اموري كلها طبعا اني عندي انتي فايروس ( node 32 ) بس ما فاد بيها ولا كدر يسوي كلشي ...


المشكلة هي انه حاسبتي كلساع تسوي ريستارت يعني كل ما شغلها تفنح الحاسبة وتطلع عندي النافذة المرفقه طيا انطيها كانسل تروح وراها ابدأ بفتح الوورد مثلا لغرض الكتابة ما شوف الحاسبة غير سوت رستارت وهكذا فاني لا استطيع العمل لمدة عشر دقائق متواصلة وذلك لكثرة الاطفاء لذا ارجوا من جنابك الموقر إن تساعديني في حل مشكلتي وسأكون ممنون لك وشاكرا لفضلك وأسال الله إن يمن عليك بالصبر لكثرة طلباتي ومشاكلي بس مثل متعرفين جان عندي أربع شعرايات براسي وگعت اثنين من وره حاسبتي الخاصة وبقت اثنين يمكن راح توگع من وره حاسبة الدائرة وبقت يمچ إذا تريدين تساعديني حتى احافظ عليها ههههههههه :icon_redf..


مع فائق شكري واحترامي

أخوك


http://file12.9q9q.net/preview/46931...itled.bmp.html

الله يساعدك أخي...:icon_lol:


ولا تتردد بطرح اي سؤال اني بخدمتك وحياك الله والاخ ابو حسين وكل البلداويين وان شا الله اقدم المساعدة باي وقت ودائماً .



الخلل ربما يكون من الهاردوير او السوفتر وير لذا اريد ان اتاكد من بعض الامور


ما هو اخر برنامج نصبته؟


وما هي الرسالة التي تظهر لك؟

احتمال يكون فايروس

لكن هناك اسباب كثيرة تخلي الجهاز يطفى واغلبها ليها حل بدون فورمات بس ياريت توضح متى يطفى هل بعد التشغيل مباشرة والا عند تشغيل برنامج معين

تأكد من سلك الكهرباء الخارجي واي توصيلات له.. ممكن حركه بسيطه تقطع التيار للحظة وتسبب اعادة التشغيل( من البور سبلاي الى الفيش في الجدار)

الجهاز شغال على منظم كهرباء خارجي والا على الفيش بالجدار مباشرة ؟
الشاشة كهربها منفصل والا مشبوكه على كهرباء الجهاز ؟

والمشاكل اللي ممكن تسبب اطفاء الجهاز بالترتيب أحد هذا الاشياء

1- مروحة المعالج (ضعيفة أو ماتشتغل ) وأول مايشتغل الجهاز يطفى بسبب حرارة المعالج
2-البور سبلاى اللي هو علبة مغذي الجهاز بالطاقة الكهربائية واللي فيها مروحة خلف الجهاز ممكن يكون فيها عطل في احد المكثفات الحرارية بداخلة او في الفيوز (وهذا السبب أني ارجحه لان اغلب المشاكل اللي تمر عليي يكون سببها الباورسبلاي وتغييره كامل مايكلف اكثر من 50 ريال مادري كم بالدينار العراقي فمابلك لو المشكلة بس فيوز)
3-الرمات لو انته مركبة رام جديد او اضافي رجعه للمحل لانها مضروبة أو فيها تعارض مع القديمة ؟
4-فايروس وهذا مستبعد لو انك تملك برنامج حماية قوي وفحصت الجهاز وما ظهر لك اي فايروس

ركز على البور سبلاى والرام ولو كانت المشكلة تقنية ستضطر الله يعينك توديه لفني صيانة

فيه فرق بين الفني المتخصص وبين بو هنود بس ماعرف عدكم هنود بالعراق لو لا اللي شعاره عذر البليد مسح السبورة (فورمات)



او بعد ظهور رسالة معينة ياريت توضح لي اي هذه الحالات وويش الرسالة لو فيه رسالة ولا تحتاج فورمات

شكرا اخواتي على الرد وانا ممتن جدا لكم

غدا انشاء الله سارسل لكم صور عن الاشياء التي تطلع عندي وهي على ما اعتقد فايروس

أين هي الصور أخي :)