علي الحبك فرح في مولدك مولاي
ومن دمع الفرح بي تختنگ ريته
علي وگبلك علي بهالكون ابد ما صار
ولا بعدك بشر مثلك وصل صيته
چف بي سيف شايل عيونه تجدح نار
وچف تفتر على الايتام صينيته
حاتم لليضيفه بليل يشعل نار
وبضي وجهك علي الجوعان دليته
حاتم للفخر من يكرم الجوعان
وعلي الوجه الجليل وصافية نيته
موسى بنص جزيرة ونزعوه نعليه
ربك گله انزعه وگال نزعيته
امك يا علي هم نزعت النعلين
لو طبت دشر بنعالهه البيته
چيف انته ابطنهه غيروه الباب
وهدالك ركن لمن تعنيته
اتفضلي يفاطم صاحهه جبريل
هذا الباب صار وذاكه سديته
امر باري الخلائق هالركن ينشال
ولأن شال الركن هالفظل رديته
طهرت المضيف البي صرت والبيت
ومن فوگه الصنم للگاع ذبيته
هذه القصيدة للصديق الشاعر صلاح الخفاجي المسيباوي
