ممنوعات ومحرمات

أولا: المقاطعة:
قاطع المنتجات الأمريكية لأنها تدعم اسرائيل.
قاطع المنتجات البريطانية لأنها تدعم أمريكا.
قاطع المنتجات الدانماركية بسبب الكاريكاتير.
قاطع المنتجات الهولندية بسبب الفلم.
قاطع المنتجات الألمانية لأنها جنب الدول السابق ذكرها.
و بالنهاية كل الناس يبعثوا الايميلات لبعضهم من لاب توب كل البرامج الي فيه أمريكية، و هم قاعدين في ستاربوكس بعد ما اتعشوا في كنتاكي و معاهم "تيك أوي" من ماكدونلدز.

ثانيا: الصحة:
لا تشرب بيبسي لأنه يحتوي على مواد تنظيف و عصارة خنزير.
لا تشرب ريد بول ( (Redbul لأنه يسبب عقم.
لا تستعمل مزيل العرق و لا الشامبو و لا الصابون لأنه يسبب سرطان.
لا تأكل لحم البقر لأنه يسبب جنون البقر.
لا تأكل دجاج بسبب انفلونزا الطيور
لا تأكل سمك بسبب المد الأحمر
لا تأكل خضار و لا فواكه لأنها كلها هرمونات
لا تشرب ماء لأنه معالج بالكلور
لا تأكل معلبات لأنها تحتوي على مواد حافظة
لا تشرب عصير طبيعي لأنه يأتي على شكل عصارة مركزة
لا تشرب عصير غير طبيعي لأنه كله ألوان
طيب يعني ناكل هوا؟!!! ..... لأ طبعا لأنه الهوا ملوث بعوادم السيارات و المصانع.
و اذا خالفت النواهي السابقة كلها، دخلنا على العادات:
لا تشرب ماء بعد الأكل.
لا تنام و لا تمشي و لا تقعد بعد الأكل.
لا تدخن و لا تشرب شاي و لا قهوة بعد الأكل
أحسن شي .... انك تاكل و تنتحر!!!!!!
لا تخلي الماء في الثلاجة داخل علب بلاستك لأنه مسرطنة
و لا تخليه في زجاج لأنه ممكن ينكسر بدون ما تعرف و تشربه و تموت.
و لا تخلية خارج الثلاجة لأنه ممكن يتلوث.
و لا تشرب من الحنفية لأنها مش نظيفة
و لا تشرب مي صحة لأنها معبئة من الحنفية أو مكررة و فيها مواد مسرطنة.
لا تتكلم عالموبايل بدون سماعة عشان الموجات تقتل خلايا المخ
و لا تتكلم عن طريق السماعة عشان الكهرباء الساكنة
و لا تتكلم عن طريق البلوتوث عشان الموجات ايضا تقتل خلايا المخ.
(يعني كل العالم الي عايشين هالأيام عايشين بدون مخ)
لا تخلي الهوا يدور في السيارة لما تشغل التكييف لأنه يتلوث من التنفس.
و لا تخلي الهوا يجي من بره لأنه ملوث.
لا تملأ بنزين الصبح عشان الكثافة عالية
و لا تملأ في الليل عشان الكثافة واطية
و اشرب خل عشان يحرق الدهون .... و لا تشرب خل عشان يسبب قرحة
و اطلع في الشمس عشان فيتامين "د" .... و لا تطلع في الشمس عشان الأوزون.


ثالثا: الدين:
ابعث هذا الايميل لجميع من عندك الله يعطيك 25864973 حسنة ....
(لأنه الي باعث الايميل مكشوف عنه الحجاب)
حارس قبر الرسول (صل) حلم انه الرسول (صل) قالة انه لازم يبعث الرسالة.
و يجيلك ايميل مكتوب في أوله قسم انك تبعث الايميل لكل الي تعرفهم و بعدين يتم يذكرك انك أقسمت.
(ماسك عليك ممسك)
و ايميل فيه الجملة الحلوة اللطيفة (اذا لم تبعث الايميل فانت لا تستحق أجره)
و ايميل يقولك أحاديث كاذبة و اذا ما بعثتها فأنت مقصر
و ايميل يقولك "دعاء مرة واحدة في العمر" (يعني ادعية و انفجر!!!!)
و ايميل يقولك "دعاء هز عرش الرحمن"
و ايميل يقولك "دعاء من دعاه حققت له 100 أمنية"
(مصباح سحري مش دعاء!!!!)
و بعدين فتوى الرضاعة
و فتوى تحريم "البوكيمون"
و فتوى تحريم "البلايستيشن"
يعني أحسن حل .... انه الواحد لا ياكل و لا يشرب و لا يتنفس و لا يتكلم على التلفون و لا يطلع من البيت و بس يقعد يبعث ايميلات ....
ملاحظة: اذا بعثت الايميل هذا لكل الي عندك راح يطلعلك جني سويسري راكب بنتلي، و اذا ما بعثته راح أطلعلك أنا كل يوم في المنام و اقولك
"why why why


( منقول)