من اول رسالة التنبض بذكراك
ابعقلي اتعجبت من فاقد اصوابه
الگلبي اتلاحگت سديت كل البوب
اخاف اطب عليه وتفتح ابوابه
عليه استحوذت عالهون يبن الناس
گمت اكتب حرف واتهجه الكتابه
گلت انسه وهجرتك من حلم فزيت
وبيك انته الحلم يحلم على اسرابه
هزني الشوگ هزه وچن طفل محروم
امعلم عالبواچي يسولف اعتابه
وچن عاشگ يهيم بصحرة الهلچان
ولگه ماي الحياة ودوّر احبابه
ولگيتك تنتظر چن تدري آنه اهواك
وبكلشي انتشابه واشرح اسبابه
روح شما رحت تلگاني وسط الروح
اعيش وياك كلك لو جنت غابه
مو بس انته احبك حبي الك مفتوح
احب ابليسك الحرضني بثوابه
اثواب العشگ رهمت عليه اهدوم
وفصّلت المحبة وبيك لهابه
علي السعدي المسيباوي
