الى الحبيبه_دعاء

[align=center]
دعاء الحفظ انه ادعيله كل يوم
يارب أستجب دعوه عبد ناجاك
أستجاب الله لدعوتي ورطك وياي
وأخذ من عندي أني والك كلي أنطاك
يبو شعر الذهب والزلف بي شلال
زلفك لوتحرك باسك من شفاك
شكد الوان عينك بيها چم لون
تاهن عالخلك الوانهن عيناك
صدرك ريش سلوى وبي طعم چلمن
ونهر ماي الحياه البي انه اترجاك
استقرآ فوگ صدرك بيضتين الصاف
وممنوع المس مكتوب من صفاك
خصرك موج عالي وخطوتك بركان
وعلمود أحترگ مشاني وي ممشاك
يلماخذني مني ورايد أنت تروح
لورحت شتظن هم اگدر أنه أنساك
شلون أنساك وانه لبس جسد ظليت
سمجه رويحتي ومصيوده وسط شباك
يل طبعك هوه ومن يمي أبد متغيب
وين بيا كتر اتواجد أنه الكاك
طبعي أنه طفل وحضانك أنت العيد
لتكل للطفل عالعيد وشدلاك
چنت أنت الطفل وشكد أخاف اعليك
نسيت شلون أنه من الزغر أهواك
تذكر من چنت تزعل علي مرات
چنت لخاطرك أزعل علي وياك
ماگلك شمس خافآ عليك تغيب
ولآگلك گمر والصبح ماالگاك
ولآگلك ثلج والثلج هم يذوب
واذا گتلك عسل تزعل عليه أشفاك
اگلك أنت دنيا الدنيا هم تزول
حيرت العقول وعجزت بوصفاك
وعليك الناس تنشد وأنه أظل محتار
يسألوني شأسوي بيوم بي فرگاك
أگولآ جادر ومنصوب فوگ الگاع
ويم رب الجلاله الروح تصفه هناك
[/align]

الله يا صلاح قصيدة وكلمات ومعاني وقافية اكثر من روعة

تقبل تحياتي

شكرآ جزيلآ لك ياأخي وأستاذي الشاعر المبدع
علي السعدي المسيباوي
والله نورت القصيده