شعر شعبي ...راسه من الگمل گاعد يفلونه

شعر شعبي ...راسه من الگمل گاعد يفلونه

قايد الامة !!!!!!شعر شعبي

د . اكرم الحمداني
iraqgreen@hotmail.com

القايد موش قايد يالتسمـونـه
على التلفاز مذلول وتشوفونه
(1)
بــ 14 كانون هـالفـرحــه
ياناس شحلاهه من يطر صبحه
على التلفاز شفنه بيه ابن صبحه

راسـه من الـگـمل گـاعـد يفـلونه
(2)
شفناه واللعـب داير على فـچوچـه
وحيد وعافتهه وانهزمت عـلوجه
مثل واوي الـگـصب ملزوم بالعوجه

رذيل وخايـف وتطّاگگ اسنونه
(3)
عفن واللحيه صوف وكفشه منثوره
الريس من طلع محلاهه هالصوره
راح العـنب منه وراحت اقصوره

موتوا بغيضكم يلي تحبـونـه
(4)
قسم منهم يـگـله قايد الامه
غمه انـگـله هذا الراي ياغمه
قايدكم وگـع هسه احترگ فلمه

جبان وخاين ومعروف بفنونه
(5)
عجيبة بهالخـلـگ صار الفكر محتار
بـطل قـايد شجاع اتـگـله والمغــوار
تـگبع بالرذيله ولبس ثوب العـار

مدري اشلون من جانوا يقيسونه
(6)
وگـع صرح الظلم واتهدم و وله
من شفنه الرذيل بيوم يتفله
يلوگ عليه ثوب العـار والذله

عـدل مقياس فيت عليه يلبسونه
(7)
رجع لصله ولبس من اول اثيابه
ويلعـن صبحه امه ويلعـن الجابه
اچر بالقيامه اشمثـگل احسابه

واهل النار من يمهم يطردونه
8)
اغبر ما حسبهه حساب ابن غبره
من اسلافه وابد ما ماخذ العبره عـگـب ذيـچ القصور اينام بالحفره

ومثل الفارة لابـد جته بزونه
(9)
وين السيف وين البرنو ابيده
اوين ازماطه ذاكه اوين تهديده
خل يوصل عـدونه ابساعته انبيده

طلع فاشوشي ذاك الحجي ايـگـولونه
10)
لـگـاع النجف اوصل واخـفـگ الجنحين
يطير الصاف بالله وبلغ الصدرين
ومحمد الباقـر خل يـگـر العـين
هـدر ماراح دمهم لا يحسبونه