للي يحب يرجع صدام

تدور الدنيا .. تمرْ أيـّـامْ

و يمكـِنْ يرجَعْ.. فجأة و يطلـَعْ !

و مُمْـكن تتحقق الأحلامْ

و يرجَعْ قائدْكـُمْ صدّامْ !! ترجَعْ (سَجّـودة) و (رَغـّــودة)

و نرجَعْ أحنا لنفس العُـودَة ْ

و نَفْس الـبُوري و نَفْس (الدُوري)

ما دام (العوجَـة) موجودة ْ

ما تِسْتـَعْدِلْ هاي (العوجَـة ْ)

و ما تِعْـقـَـل ذيــچْ (الفَلـّوجة ْ)

و بفضلْ الشعب المصطورْ

و حظنا النايم بين گـبورْ

يـِمْكِـنْ يرجَعْ

گـالوا كـِذبة..
منـگـاش يوگـَعْ طيـّارة ْ

بالموصل وُگـعَتْ بحجارة ْ !!

مو طيـّارة .. بس إثنينْ

اغبياء إل بيها .. عيبْ نـگـول الطيّـارينْ



و متعودين ْ..

على ظلمك يا صدام حسينْ

هواية مبيّـن مشتاقينْ

أهل (ديالى) و ( أهل الفلوجة)

لازم چـانو متونسينْ

ترجَعْ ونْسَتـْهُم و تعودْ..

ذيــچْ البَسمة ْ

و راضين أحنا بهاي القسمة ْ


شراح يصير ؟

ذيـچ (السجّودة) و موجودة

و بنت (الشابندر) موجودة

و (الليثين) إل راحوا فِـدْوَة..

نعوّضهم بقرود ثنين..

من جيله لصدّام حسين !!

يمكن يرجَعْ .. بَسْ مِـنْ يرجَعْ

يرجَعْ رَجْعَـة .. و يــِرْگــَعْ رَگـْعَـة ْ

نتعلـّگْ كـُـلنا ببغدادْ

شيعَـة و كِلـْدان و أكرادْ


بذاكَ اليومْ .. وين يكون الأمريكانْ ؟!! و اليابانْ ؟!!


و نرَجـِِِّـعْ إلنـَفـْس السَجّـانْ


و أحنا الشعب إلدايــِمْ يرضَهْ..

بها الجَلاّدْ

مشتاقيلكْ يا (ريّسْ) كـُلّ الويلاد..

مشتاقين لنفس اللغوة بكل يوم بنفسْ الميعادْ

بساعة ثمانية و ساعة العَشْرَة ْ

تـُخْطـُبْ نـَفـْس الخُـطـْـبَة الـگـَشْرَة ْ

ساعة السودَة.. يوم إلتـِدْخُـلها لبَغـْـدادْ
يِمْكنْ يرجَعْ بأسرع فـُرْصَة ْ .. و نـُگـْعُـدْ نِسْمَعْ نـَفـْس القـُصّة ْ



و نحـلـّي الأيامْ السُودْ براياتْ النَصرْ الموعُودْ

بذاك الوَكتْ شتفيد الغـَصّة ْ ؟!!

====

وصلني عن طريق الإيميل