هذا الظهر غـُـل خنجرك
امبلل وماخاف المطر
غـُـل يا دهر ماضن بعد
اتمض طعنتك هذا الظهر
گلبي وذبل رچ واكتهل
شاب بعمر تالي العمر
طبعك زبگ بان وصعد
ذيله وصبح آخر سطر
دگه بأثر صارت صدگ
شد واكترث خاف الهجر
صافن ولك صفنة جبل
بارد لچن نار استعر
اشتاگ الخصر سچينتك
روّض سچاچينه الخصر
يا طعنتك حلوه وترد
ماخذ تصاويره الدهر
من شافتك تلگط ْ صوّر
هاج الدمع هيجت بَحر
چن الحلم حالم حلم
مشهد صوّر ياخذ صوّر
جذعي ويبس آه اشيبس
رغم الشَتِل يم النهر
ظل يادهر غـُـل يادهر
واگف تره يموت الشجر
علي السعدي المسيباوي
