أرد اكتب سوالف تخص هذا وذاك *----*----* ياريت القراهن كتب عنهـن رد
طبع الطير مـن أنكـشـف عـنّه الليل *----*----* ضن بيه بعـد ماينعـاد هالغـرّد
آنه الرايدك رغـم الدمار البيـك *------*------* وادعـولك توالي الليل وتعـبّد
من تاهـت ســـفـينة نوح بالطوفان *---*---* والبيها أيّـســت راح الغـراب ورد
حمامه اتعنّتك والگت غصن زيتون *---*---* زفّت بيه ابشاره لنوح واهل المد
بيك أول انســان اتعـلّم التدويـن *-----*-----* وحروف الكـتابه الـبدت تتجدد
بابل بيه أول ماتبلبل گـول *------*------* وتوســعـت لهـجات الأخـذ والرد
وانت البيك أول مانـسـن قانون *----*----* ســلّة حمورابي اليوم ألك تـشـهـد
يالكـلّك وعي ومنّـك بدا التاريخ *----*----* شــرد أذكـر صفات البيك ماتنعـد
ناســك ياعـراق أصبحو ثلث اقسـام *---*--- * والكل تنتـسب لسـمك بيوم العـد
منهم طبع رجله بطين گاعك عوز *--*--* فك عينه اعلى ماكو بس غِـده ويستد
وتعلّم اقرايه وكتب دار ودور *----*----* بحجرة طين واعلى ذراعه يتوسـد
ومن اتـنـفّـهـت قـانع بســتر الحال *-----*-----* وبيوم الكلافه يصيرلك مبرد
ياكل بالحديد ولايهـمّه الجور *-----*----* واتوچه اعلى جرحه بيوم جـد الجد
تحـس بيه یللچم لوسـولف بطرواك *---*---* من فارگ اترابك وانجبر وابعـد
مايرجه التنفـعـه بكثر ماهـم بيك *----*----* ودّه ايصير يوم الضيج ألك مسـند
ومنهم ضال وسـطه يدوّر الختلات *---*---* طبعاً ماأجت سـاعات ضيج وهد
مابيه منفـعـه مثل الـســراب بگـیض *-----*-----* لو گرّبت ليه ابـسـاع يتبدد
ســبّاحة چوالي يوهّـم الغـركان *----*-----* جاب اوياه كومه أحجارمن ينهـد
لايمـشي بوعوره ولا تَعـدّه الگیـش *----*----* بالفـرجات عنده ألســان ماينرد
هذا أسـمه انتهازي وماعـليه مشروه *----*----* لوعـدّيت ربعـك دوم ماينعـد
بــس يبقى عـراقي ونضل نترجّـاه *----*----* بلكي يصير زين وضال يتردد
واللي خان مايـك والملح والزاد *-----*-----* هـذا البالأصل ماينتـسـب لحّـد
جاب اوياه حفنه امن الظلاميين *----*----* طبعاً مومنرضك جازي بيهم حد
عدهم تافهات ومعـتـقـد مـشـبوه *----*----* واحدهم ردي وملعـون سـابع جد
گالو ماتت أيده وماتهز مگوار *----*----* والجرحه غـميج أيطيح بـس يبرد
طبعاً خاب ضنهم أنت ذاك الحيد *---*---* من يوجر صواب البيـك تـتـشـدد
ياطوْد التحمّل عاتيات الريح *-----*-----* مايدرون بالصعـبات توگف ســد
وانت أطباع نابض والصفات البيه *----*----* بس ينزاح عنّه الضغط يتمدد
هولاكو والگبله وگبل گبله اهواي *----*----* والبعـده بعـد لاتنحصى وتنعـد
كلها اتحاشمت حتى غُـبار الكون *--*---* عاف ارض الخلگ وبگاعـك اتمرّد
عاف ارض الخلگ وبگاعك اتمرّد
