خلي يفوزون بالدنيا واحنا نفوز بالآخرة!!!

أني على الرغم من اني مولودة وعايشة خارج العراق بس يهمني مستقبل العراق وأتمنى يرجعله الأمان
واعرف انو حرام يستلم العراق واحد مثل علاوي لو طارق الهاشمي بعد اكثر من 30 سنة ظلم للعراق والشعب العراقي على ايد صدام
بس شنو طالع بالايد مو صوج علاوي لو الهاشمي لو اي واحد نذل من هذولة صوج العراقيين الهبل عفواا منكم اللي يعتبروهم بشر ويروحون ينتخبوهم لان هذولة ما يسوون فلسين لو ماكو احد مسويلهم قيمة وناطيهم اهمية
وبصراحة صدام زرع الحقد والكراهية بقلوب شعبة وبس مات مات مرتاح لان يدري اكو مثله الاف
وهمة اللي دانشوفهم اليوم
ما شفتو هسة شلون طالعين فرحانين ومحتفلين والله لو جان احد من جماعتنا اللي فايز وجانو اهله وناسه فرحانين وطلعو صدقو ماجان خلوهم يتهنون جان فجرو وسوو وكل يوم نسمع انفجار بمناطق الشيعة
خلي يفوزون ويستلمون الحكم لان بصراحة حالياا هيج احسن للعراق لان همة اساس الفتن والتفجير
بلكي يارب تهدأ الأمور ويصير أمان لأن اذا همة استلمو تنسد حلوقهم ويبطلون يسوون هالسوالف التعبانة

خلينا نقول الله هاديهم وصاروا اوادم وصدق رح يحسنون العراق واذا لا الله يخفيهم

شكو بيها الله قادر على كلشي
لأن ماكو غير واحد هوة بطلعته رح تنحل كل المشاكل وهوة الامام لمهدي عجل الله فرجه الشريف
يارب تكون طلعته قريبة ونخلص
انشاء الله تكونون فهمتوا علية واللي عنده اي اعتراض على كلامي اتمنى انو يكتب رأيه وشكراااااااااا

والله اختي انت حليتيه ،

اخبار مؤكده ان الدكتور البطل الجلبي تحرك با اتجاه معين اليوم مع الحاج ابو اسراء وانشاء الله خير

الى الاخت العزيزه صاحبة العجاله انشاء الله ما ياخذوها ما طول اكو زلم تشتم الهوى الوضع يهدا تصير تعديلات والله انعل ابو التعديلات الي تصير وعلاوي يحكمني ها البعثي المتهتك اما جنابك تكولين صوج الناس الي ينطوه اصواتهم والله ياخويه ذولوه مو بشر الله وكيلك

اني مو مستعجلة بس انتو فكرو بيها زين اذا الشيعة استلموها ما رح يخلونه نتهنى رح يضلون يأذونه اني اتمنى هالشي
بس انتو شايفين اللي دا يصير بالأخير الحق ينتصر والله كريم ما ينسى عبدة والله يفرجها على الكل

يبقى الوضع بالمفخخات ولا يجي بعثي يحكمنا

بس هيهات نهجنا الحسين