مضلوم يحسين نزله من قصائد محرم الجديده

مضلوم مضلوم يتاج على الملا..مضلوم مضلوم صريع بكربلا
ــــــــــــــــــــــــــــــــــــــــــــــــــ ـــــــــــــــــــــــــ
مضلوم والله يبن حيدر علي...مضلوم مولاي يضل حزنك جَلي
تفديك للموت عيوني وكل هلي...لحسين مهدوم كياني ومنزلي
بدماك يحسين تره الدين اعتلا...مضلوم مضلوم صريع بكربلا

هيهات ننساك يصلصال الشيم...نبجيك للموت فلا يبره الالم
واساك عباس يمينه من انجسم...وافاك بالجود يضيغم والعلم
وابطال عالكَاع تلوج مجندله...مضلوم مضلوم صريع بكربلا

ضل ثار بدماك يضل طول العمر...والنار لصواب رضيعك جالجمر
بدموع ننعاك على الخد تنهمر...للثار يحسين بعد ماضل صبر
بكَلوب تهواك عزاك نرتله...مضلوم مضلوم صريع بكربلا

شفناك مسلوب صريع على الارض...يالبيك ننكَاد على دروب الفرض
صيوان سلواك يبو الاكبر وعض...للراد ينخاك يحف دربه الحفض
والجان ميّال هواك يعدله...مضلوم مضلوم صريع بكربلا

جم اَه يحسين تنود بهالصدر...وتنوح لخيام توجرهه الكفر
وجفوف عباس على الشط تنبتر...وتشوف طعنات على دروب الغدر
عباس عباس يساجي العايله...مضلوم مضلوم صريع بكربلا


مجتول يحسين سمعناه الخبر...والصوت بدماك على الامه انتشر
للموت ومصاب دمع بينه انحفر...تفديك بولاد عبيدك والنضر
جن كوم وخيول عليكم صايله...مضلوم مضلوم صريع بكربلا
رحيم الحسيني الحسناوي