طه سَيد المرسلين!!! الشاعر حسين الساعدي

نعزي صاحب العصر والزمان ع والامة الاسلامية
بذكرى وفاة سيد الانسانيه الرسول محمد صل الله عليه واله وسلم


http://www.aldahr.com/forum/images/i...20%2882%29.gifاليوم وَدَعنه نبينه!http://www.aldahr.com/forum/images/i...20%2899%29.gif

اليوم وَدعنه نبينه
طه سَيد المرسلين

ابحضن حيدر غفت عينه
ونطفه ضَي السنين

اتوجه الصوب المدينه
يا موالي يا حزين!!

كَله طر كَبرك وشوف
اشصار بعدك يا امين!

شوف بعدك جَم منافق
طَلَع الحقد الدفين!!!

وال بيتك ضيم شافوا
لا مودة إولا حَنين

لو ابسم الغدر طاحوا
لو ذَبح من الوتين

كَسروا ضلع الوديعه
وسقطوا محسن جنين

وانطبر حيدر وَصيك
امخضب ابدم الجبين

والحسن سموه بعدك
ال امية المَلاعِيين

وانذبح بالطف حَبيبك
وال بيته امشردين

حتى زواره اذبحوهم
جي مِشوله معتنيين

شَرد اخبرك يا محمد
ياخَبر بيه تستكين!

كون شاهدت المأسي
ماتكف من الأنين

والحزن خَيم علينه
حين ما غَمضت عين

وليه ياطه انولينه
وين ننطي الوجه وين

رجعوا اعلينه ال امية
اوياهم الشمر اللعين

وحنه كل ذَنب الجنينه
لأن الكم منتمين!!

تَرَسَوا بينه المقابر
هالنواصب حاقدين

ابغيبتك دنيانه صَعبه
اي وحق الله المعين

ابذكرى موتك يا نبينه
حاير ابدمعة العين!

مدري اَعزيك ابمصابك
مَدري اَعزي بالحُسين!

بقلمhttp://www.aldahr.com/forum/images/i...20%2899%29.gif
حسين الساعدي