الشاعرين /توني بلير وبوش بن بوش

[align=center]هذه المحاوره جرت بين الشاعرين /توني بلير وبوش بن بوش

حيث جاء بلير الى أمريكا لحضور المؤتمر الثنائي مع بوش وعندما

دخل على بوش في صالة الاجتماع بدأ بهذه المحاورة وقام بوش بالرد عليه فوراً..


المبتدي بلير:

الله لا يجزاك بالخير يابوش .....ورطتنـا في حـرب صدام ورطه

عزمتني تقول بترول وقـــروش....بس الحقيقه روحتي معك غلطه


قال بوش:_ خلوهــــا

يابلير رد العلم عن بوش بن بوش ...الله خلقنا للمقاريد سلطه

وأبوي عنـده للرجـاجيل دنبوش ....كم واحد شلنـا فلوسه ونفطه

بلير:ـ خلوها

أبوك والنعمين مير أنت مربوش .... تموت بالبترول وتحب شفطه

صحيح عندك مـال وسـلاح وجيـوش....مير أتوقع لك تـدهور وسقطه


بوش :ـ خلوها

يا بلير كانك خفت يوم احتمى الهوش ....حرام ماتأخذمن النفط نقطه

قبـلك تـرى شـيـراك قد راح مـكـروش ....شوفه يصرح كل يوم بمحطه


بلير:ـ خلوها

وراك مـا تعـطي لشيراك عـرمـوش ....تراه مشغلنا بشيله وحطه

وليا انتهى موضوعنا نرسل طروش ....ونجمع المبلغ من الربع قطه

بوش :ـ خلوها

شيراك هذاعنده الفكر مغشوش .....فرط علي في مجلس الأمن فرطه

يدزه اليابان والصين ويطوش .....مجهز الفيتو لتحقيق شرطه


بلير:ـ خلوها

يا بوش انا مرهق وخايف ومدهوش ....وانته تقول الحرب خدعه وخطه

اسرآي واسراك أمتلأ منهم الحوش ....عزالله أنه صابني منك جلطه


بوش :ـ انزح وراك .... خلوها

ما قلت لك كم فيه إذاعات ودشوش ...لا تكشف المعنى وانا اقول غلطه

وان قالوا أنا علوج واصحابنا جحوش....ما همنا الصحاف واللي يحطه



وانكسر اللحــــــــــــــن .................[/align]