تصنت على مكالمة هاتفية بين السيد مقتدى الصدر وحاكم الزاملي ..
مقتدى .....الو ...صبحكم الله بالخير حاكم شنو سويتو
حاكم...سيدنه كلشي تمام مثل ماامرت اشتريت 230 خيمة واجرت 40 خيمة جبيرة وجاي ننصب بيهن
مقتدى....زين سويت ماتقصرون
حاكم.... سيدنه بس وزير الدفاع خابرني كلي انه مالي شغل الاوامر راح تصير من القائد العام رئيس الوزراء
مقتدى..... لا حبيبي انه اتفقت وي خالد العبيدي يجيب قوات هو يعرفها اتساندنه خاف نتعرض للضرب
حاكم..... سيدنه اشوف العبيدي خايف من حزب الدعوة
مقتدى...هه ياحزب يادعوة راح اطشرهم طشار
حاكم..... سيدنه انه حضرت جماعة وياهم اسلحة داير مادوار القصر وخليت شرطة من جماعتنه بسياراتهم يوكفون قريب الخضراء بحجة الحماية وباي لحظة ننطيهم امر يلتحقون ويانه
مقتدى.....بس اريد جماعة تروح عل المالكي اول ماندخل الخضراء لاتخلوه يشلع
حاكم.... سيدنه اطمئن كلهم عدنه ناس تشتغل وياهم وكل تحركاتهم نعرفها
مقتدى.... بس فؤاد معصوم عوفوه لان عيب من اخونا البارزاني تفاهمت وياه
حاكم.... سيدنه هو اصلا ماموجود من تلث ايام راح للسليمانية
مقتدى .... اريد جماع تحاصر الجادرية ترى جماعة المجلس مو راحة
حاكم.... اي سيدنه هم عدنه معلومات سيد عمار راح للنجف بالقصر ماله
مقتدى... هسة عوفوه سيد عمار بس حاصرو مكاتب حزب الدعوة بابغداد واي شي يصير هدموهن على روسهم شلع قلع
حاكم .... سيدنه بس عدنه معلومات العصائب دخلت بغداد باسلحة ثقيلة ومتوسطة واكو خبر وياهم بدر
مقتدى..... وانتم عدكم اسلحة ثقيلة
حاكم.... لاسيدنه بس انت كلت وزير الدفاع عنده لوائين راح يساعدونه
مقتدى..... اي بس خاف ماينفذ وعده وتالي نظل محتارين
حاكم.... انه نسقت وي جم ضابط قديم عدهم اتصالات وعدوني يساعدونه
مقتدى... انه احتمال ماقدر اجي باجر لبغداد لان هددوني بالاغتيال بس راح ارسل تسجيل خطاب اعلن بيه الاقتحام او التهدئة
حاكم... امرك سيدنه احنه جاهزين وسويت تنظيم ووزعت باجات وراح يحضرون شيوخ عشائر نسقت وياهم وقدمت اكراميات الهم كل شيخ يجيب الف نفر من عشيرته
مقتدى.... اخذ من الوزراء حصتنه هالشهر ومشي بيها الامور
حاكم.... اي سيدنه بس وزير الصناعه ماعنده يقول ب700 الاف دولار لان عنده رواتب الموظفين ماتكفي ينطي اكثر
مقتدى.... هذا محمد الدراجي هم كام يلعب بذيلة شلون كال اكدر انطيك سيد 10 مليون بالشهر الجذاب
حاكم..... بس انت كلت نرشحه رئيس وزراء اذا نجحنه بالخطة عنده خطة وعايش برا جان ويعرف لغات
مقتدى....عدنه الف واحد باقية عليه اذا من هسة مايوكف بثورة الشعب
حاكم .....سيدنه اطمئنك هواي سياسيين صارو ويانه والحمداني خابرني قال البغدادية بامر من عون الخشلوك راح تنقل مباشرللاعتصام والشرقية هم وقناة العربية والجزيرة وسكاي نيوز
مقتدى..... بس لاتخلون احد يصرح بس شيخ صلاح انا فهمته شنو يحجي
حاكم..... اي سيدنه شيخ صلاح جاي يرتب وي بعض الاخوان السنة يمكن يطلعون بمؤتمر صحفي مشترك
مقتدى....اي بس خالد الملا يولي هذا جراب وي دولة القانون لاتخلوه وياكم
حاكم.....لا سيدنه من زمان ماعدنه وياه تواصل
مقتدى ....يالله جابولي الغده اتغده ديرو بالكم
حاكم...... عوافي سيدنه ننتظر اوامركم برسم الخدمة
