عرض للطباعة
السلام عليكم
بالعكس اخي ابو علي ليست ورطة بل هذا دليل حرصكم وحرص باقي اخوتنا على هذه الشبكة وعلى تطوير ما تحتويه من مواضيع .
:004:وجزاك الله الف خير أخونا العزيز ابو علي ...اقتباس:
المشاركة الأصلية كتبت بواسطة ابو علي
والطيب والجود والكرم لكم أنتم أخوتي الأعزاء لأن ( من رافق القوم اربعين يوم صار مثلهم )
بس رجاءً خلي نرجع الى المساجله لاتنقلب بعدين الى واحة الحوار الدارمي . =)
سلام عليكم
من هسة اقول كل عام وانتم بخير وان شاء الله يعود عليكم الشهر بالصحة والسلامة
ولكم مني هذا البيت
[align=center]
هــذا الهلال إكَريب ياهــلا برمضان
كون الله يكتب فرج وتولّي الاحزان[/align]
[grade="00008B FF6347 4169E1 4B0082"][frame="1 80"]شنهي الدوة الموصوف لفراك الاخوان
نار الصـــديج تهون بس هم بركان
****
ياريت رد على هذا البيت اخواني[/frame][/grade]
تحياتي لكم اخت الكريمة خادمة الزهراء
حيالله ابو علي
[align=center]فراق الأخو نيران تحرقها للروح
بس الدمع همـّال يواسي الجروح[/align]
السلام عليكم .اقتباس:
المشاركة الأصلية كتبت بواسطة ابو علي
أني راح ارد عليك خويه ابو علي ... وهذا البيت الدارمي ( من اقراضاتي ) أقصد كتاباتي هاي الخاطر أخونا العقيلي =X:
[align=center]مامش دوه موصوف لفراك الاخوان ***** چي هـُمهَ وسط الروح وبلسم للبدان [/align]
الاخت خادمة الزهراء اشكركم على الرد
رائع جدا ان ارى اناملكم تخط هذا البيت اللطيف موفقين
[B]يابويه شنهوالصار شنهوالجرالي امخبل اكضي الليل وابجي على حالي
شنهو الدوا الموصوف للونته عاده
0000 غير البجي والنوح أعلى الوساده
[align=center]http://www.sunna.info/souwar/data/me...amadan2004.gif[/align]
[align=center]كل عام وانتم بخير
مبارك عليكم الشهر[/align]
عندما يأتي رمضان تعود بنا الذكريات الى الأهل لأن هذا الشهر ، شهر المحبة والألفة وصلة الرَحِم .
وبهذه المناسبة أهدي لكم جميعاً هذا البيت من الدارمي .
[align=center]عونه اليجي رمضان ما بين الاحباب ***** ويشم عطرهم كون من بعد الغياب [/align]
متعجب انته بهاي نبضك يجر اه نبضي بتوالي الليل اتحاجه وياه
البردي رد للهور والكصب خضر شيعه وكراد اليوم باحكم نفتر
«®°·.¸.•°°·.¸¸.•°°·.¸.•°®»«®°·.¸.•°°·.¸¸.•°°·.¸.•° ®»متعجب انته بهاي دمعك يجر اه
دمعي بتوالي اليل اتحاجه وياه«®°·.¸.•°°·.¸¸.•°°·.¸.•°®»«®°·.¸.•°°·.¸¸.•°°·.¸.•° ®»
السلام عليكم وكل عام وانتم بخير
[align=center]
خلّونا من الدمع كل يوم ابدل عيون
لو نفع كثر النوح جا غِرق هذا الكون[/align]
ناكةلعد الناس دران ثديي وتليهي للكصاب ودتني دنياي انا ماهمني الكصاب العلكني من اجلي همني الصديك الكال عيِّرلي منهي
[QUOTE]محب الحسين شكراا عله هاي الابيات الروعه
السلام عليكم
تقبل الله صيامكم وأعمالكم وطاعاتكم ..
عندي سؤال
أشوووووووووو ماكو مشاركات جديدة بالدارمي ليش ... :confused:
خلّونا من الدمع كل يوم ابدل عيون
لو نفع كثر النوح جا غِرق هذا الكون
خلونا من الدمع خل نضحك ابهليوم
ملينه من البجي وملينه بس اهموم
خل تضحك ابهل يوم روحي العزيزه
واتذب حزنه الروح جاها التريده
السلام عليكم وتقبل الله منكم صيامكم وأعمالكم ...
عودة ثانية من بعد غياب الى الدارمي ...
[align=center]عونه الفطر هاليوم برض الفراتين *****واحبابه كلهه وياه مجتمعه صوبين [/align]
[align=center]:11::11::11:[/align]
السلام عليكم ورحمة الله وبركاته
اكو شعر عراقي يقول
ايدي على وجه الكاع ويدي بدليلي
لو مروالشمات اوكف بحيلي
وين الاكاك يا عز الحبايب
عديت الكون ولكيتك غايب
جم سهم بالدلال يصعب عددهن
وجروحي دوم تزيد ياهو اليشدهن
شيصبر المجروح والجرحة يدي
خايف مع الايام تنكلب ضدي
اهتز واذوب بشوك لو ذكروا اسمك
جا شنهو بيه ايصير لوشفت رسمك
والله حرام عليك لا تعت بيه
يوم الفراك ايصير جنة المنية
كلبي انشغل وياك ومعاند الروح
كف وبعد مابيه يتحمل اجروح
محبوبك ابغداد يسمع ونينك
يتمنة يمة اتصير عينة وي عينك
سهرانة ليلي وياك وعيونك سراج
سجن الكلب يافلان ما منه افراج
ريت العمر شوباش ينطش عل الاحباب
والدمع دم يسيل لو صار الغياب
كحل العيون ايصير يوم الاشوفك
ما اكدر ابلياك لتظن اعوفك
لو تقلع العين وتحرك الرووح
مداوي للآل النبي ولا اطيب اجرووح
السلام عليكم
اولاً ::010:بأخونا العراقي الاصيل وحياك الله معنا وننتظر منكم المزيد من المشاركات...
ثانياً شلونكم وينكم اشو تركتو الدارمي ليش :confused:
اني اليوم عندي الكم هذه المحاورة أن شاء الله تعجبكم وحتى تكون بداية جديدة للشعر الدارمي ...
[align=center]هو
ليش المظاهر ليش اتغير الكلوب
ابسوك الذهب تنباع چلمة يا محبوب
***** *****
هي
حلوة أنه وهيهات ما تلكه مثلي
وغيرك شباب أهواي تتمنه وصلي
***** *****
هو
الحسن حسن الروح مو بالمظاهر
وين الوفه والشوك وين المشاعر
هي
كل الوفه والشوك ماعمر اقصور
والما بظفره اطحين كل وكته مهجور
***** *****
هو مغرورة انتي اهواي كافي الملامة
وما يحصد المغرور غير الندامة
***** *****
وتحياتي لكم جميعاً
[/align]
أولاً السلام عليكم جميعاً
حبيت اشاركم بهذا الموضوع ومشاركتي معكم عبارة عن تساؤل وأستفسار لأن بصراحة كنتم قبل فترة مشاركاتكم كثيرة أما الان ماكو ولا مشاركة فحبيت بمشاركتي هذه أرجاع البسمة والتفاعل مع هذا النوع من الشعر أن شاء الله تنال رضاكم ...
[align=center]أرد أسأل الأعضاء وثبت حضوري &&&& الدارمي ليش أخوان أنضرب بوري[/align]
[align=center]:D:::D:::D::[/align]
37_بالك يا ولفي اوصيك من عشره الناس صدّك تره يغيروك و يشيّب الراس
38_عمدا درت مكفاي من شفتك اتصيح لكن خوّفني دمع العين يسبقني و يطيح
39_اسم و يلوك اعليك يا ابو طيبه لا تعتب اعله الناس كلمن حليبه
40_حسبالي طيب ذات انطيتك اعيون.....تاليهه تشعل نار ويه اليكرهون؟؟
41_شنهو البشر ياخوي غيّر اطباعه عود من اموت يعود و يبجيله ساعه؟
42_نجمه صبح يهواي و اصكط عله خطاك و بحجه البرادن اتلفلف وياك
43_سر وابتلي من احجيه ... ومن اسكت ايشيع ……….. حصتي وعلي تنباع ... والشامت ايبيع
السلام عليكم
اخواني أخواتي لكثرة هجرة هذا النوع من الشعر المعبر خطر ببالي هذين البيتين من الدارمي عسى أن نعود له مره اخرى !!!!
[align=center]
لَمتنا چانت دوه وللجرح بَلْسَم ***** لچن الدنيا هموم مَنْ مِنْها يسلم[/align]
مع تحياتي للجميع:=
همــٌكْ .. وهَم الناس .. وهَم همْ الأيــــــــــــام
وفوكًًـــــاها هم العين ماتقبل إتنــــــــــام
همٌك وهم الناس وهم الله فـــــــــــــوكًًـه
صاحت عليــٌه الناس جن عندي بوكًًـــــــــــه
متعجـٌب المهمــوم يشرب جكًًــــــــــــــاره
كًًلبي بكثر ما نــــوح تجويـــــــــــني ناره
همٌــــك .. وهم الناس وهم هم الهمــــــــــوم
لو وحده منهن بيــــك ماتكًًدر إتكًًــــــــــوم
--------------------------
نذرك ياسيد دخيـــل نوط أبو الميـــــــــــــــه
من أفز والكًًه إهــــــــــواي غافي إعله إديـــــُه
نذرك يا سيد إدخيـــــل نوط أبو العشــــــره
من أفز والكًًه إهواي صدري إعله صــــــــدره
----------------------------------
الدهر بس وياي راكب إحصانــــــــــــــــه
ويكًًــــلي وين إتروح جدٌامـــك آنــــــــــه
الدهر بس وياي جزٌاهـــا الحـــــــــــدود
بالدين أوفي الدين واتديــــــــٌــــن إردوود
000000000000000000000000000000
كًًــلبي أرد أكًًــصٌــه إبموس وأكوي إبمكانــــــــه
علٌمني إعله درووب كلهن مهـــــــــــــــــــانه
كًًــلبي أرد أكًًـصٌه إبموس وبفاس أكًًطعه
خلُصها بالسختــات مالحَك ربعــــــــه
-------------------------
شامت وكًًف عل الباب حاير شــــــــكًًـلٌـه
أرتجي إعله المكســــور لو دمعي إهلـٌــــــــه
إرتجي إعله المكســــور حيل إردس الكًًاع
بالك تذل جدام شمٌاتك إبســــــــــاع
شمٌـاتي مو شٌـمات شمٌـاتي شمٌــــــــــــات
بالكًًبر ويسألــون حي بعده لو مـــــــــــــات
شِمـٌاتي مو شِمــٌات شماتي شرطـــــــــــــه
بالكًًبر ويكًًولـــــون طلعه أرد أكًًرطـــــــــه
شمٌـاتي مو شمــات شمــاتي إخــــــــوتي
حتى أمي يا هالناس تدعي إعله موتـــــــــــي
شمٌـاتي مو شِمٌـــات شماتي تســــــــعه
والعاشر إزغيرون يأشر بإصبعــــــــــــه
-----------------------
إحداهن كانت حامل بطريقه غير شرعيه فأرسلت الى حمدي الحمدي تقول
حبلـه إبنَـغَـل وايـــام كلـٌـش جريــــبات
واليَـمي مو خالات كلهن غريــــــــــــبات
رد الحمدي قائلا
يم نغَـل لا تبجــين إنستره لو تــــــوم
من هذا وتجوزيــــــن لو حبله كل يــــــوم
--------------------------------
كَـالو صعــَد للغيــم كَلتلهم أصعــَد
عفيه كَلب مَيليــن من يسمع إبجــاي
لو من صخر هم جــان لان وغده مــاي
لو ممشى عشر اسنين أمشيها واكثر
ماأتعب وما جوز من حب الأسمــر
راح التوده الروح ماينفع اللـٌوم
أصبح سميري النوح من بعده وهمــوم
روح خضره
إنهجَم بيت العين ها لكًـــد وكيـــــــــــحه
كل ما يمر إحليـــو إتكًـلي صيــــــــــــحه
-----------------------
شلونـــــــك.. شلون الدار .. وشلون الأحبــــــاب
أذكر جرح بجلاك خبـٌــرني ما طـــــــــــــــــاب
شلونــــــك .. شلون الدار .. شلون الدجاجــات
هم منهن إتذبحـــون للعدكم إيبـــــــــــــات
زين آنه . . زينه الدار . . زينه الدجاجـــات
نذبح أركًــــاب أزلام للعدنـــه إيبـــــــــات
شلونـــك .. شلون الدار .. وشلون الفروخ
لبسو إهدوم العيــد !! لو لِســـــه صلوخ
-----------------------------
متعجبه هالنسوان تطلك فرد يـــــــــــــوم
إطلوكًًـــــي بالساعات كل ســـــاع أذب تـــــوم
===============
ناكًًــــه إشكثر للغير درٌن ثدايـــــــــاي
تاليهـــا للكًًصــاب ودٌ تــني دنيـــــــاي
ماهًمني الكًًصـــــاب من علٌــك إجــــــــلاي
همني الصديق الكًًـــــال عيٌــرلي من هـــــــــاي
------------------------
صيـٌحت حيــل وحيــــل باليمنه وأوميــــت
ياهو الكًًــــلتله إدخيـــل ظم روحه بالبيـــــــت
إنته يظل بالبيت الردتـــه فــــــــــــــزاع
آنه الكًًــلتله إدخيـــــل ظم روحـــه بالكًًـــــاع
------------------------
متعني للعبــاس أشكي الهظايـــــــــــــــم
الواشي قبلي بيـــــوم بالحظره نايــــــــــــم
متعني للعبـــاس أبجي إبحظرتـــــــــــــــه
والينكســر بهواه شنهو جبرتــــــــــــــــــه
مانمت طــول اللـــيل حلف المخـــــــــــدٌه
الدمع صــاير سيــل للركبه حـــــــــــــدٌه
----------------------------
رحت آنــه للدكتـور حاجاني بسكـــــــــوت
لو ولفـًـــك إيداويــــك لو باجر إتمـــــــوت
روحي إبسريـــر الموت تنشدني عنـٌــــــك
وتكًًـــلي ليش إهـــواك متبري منــــــٌـك
حقي من أحامي إعليـــج ياشجرة التيــن
ماي الربيـــــتي إعليه من دمعة العيــن
آنه من أحب إشفاك كل ساكني إيهـــــــــيج
يبقه الطعم ويٌــاي وي بلعة الريـــــــــج
----------------------
خـلـٌـي إييدج إعله إثنيــن بنتي الطمع زيــــــن
والثالث إحجي ويــــاه بالج تخســــــــــــرين
----------------------------------
CC0000
ظَل إبجي بالكارووك أبداً مهِــــــــــــــــزَك
لو إنك إبن إهواي جــان إشمعـــــــــــزٌك
حبله وأهز كارووك وتسعـــــه اليلعبون
كلهم فِده لهواي لو مر يروحــــــــــون
حبله وأهز كارووك وتسعه المِـسلحيــــــــــن
مال العمى يا عيـن عالدرب تربيـــــــــــــن
------------------------------
من جبتو طاري إهــواي تيـٌهتْ شــــوري
خـدٌرت بالفانوس حسبالي قـــــــــوري
---------------------
سود العيـون إكبـار والحـَـلِـك محبــــــس
ويسترها رب الكون من دلع تلبــــــــــــس
هم حلو .. وهم إزغيــر .. هم أزرك عيـــــون
بس بيه طبع مو زين من يوعد إيخـــــــــــون
سبحانه من سـوٌاك نص وجهك إعيـــــــــــون
إزغيــٌر سبيــت الناس من تكبر شلــــــــــون
كل السـنون إعظـــام بس سِــنـٌه ليلــــــــو
جاكم وســيع العين عن دربه ميــــــــــــــلو
كل السِـنون إعظــام بس سِنـٌـه فضـٌــــــــــــه
زبد ويموع إهواي ومنيـــــــن أكضـٌــــــــــــه
-------------------------
أنســه ألله كون أنســــاك وأبرى من الإسلام
عل الكًــــبر لو مريـٌـت أتهزهز إعظـــــام
----------------------
بالـَك تمر بالدار عنها إشمر إبعيـــــــــــــد
دار العزيز هواي نوح وبجي إتريــــــــــــد
عمداً أمرْ بالدار والنـوح أزيـــــــــــــده
وأسمع صداهـــا إيكًـــــــول راح التريــــده
عمداً أمر بالدار وأشبع مغمـٌــــــــــــــــه
وابجي بجي المفطـــــوم ومفارك أمـــــــــــــه
برد الصبح كًـرصـات لِـفـْـني إبعباتـــــــــكْ
وبســاعة الشيطان إنته وي ذاتــــــــــــــــــك
من الحزام وفـــوك مرخوص الأســـــــــــــمر
خاف الطمع يوزيــــــــك واحنه إنتكشمـَــــــــر
حِـط باللبن تيــزاب مجبـور أشربـــــــــــه
بس لا أشوفك يوم تمشي وي غربـــــــــــــــه
---------------------
كون أنكًـــلب فنجان بيد الكًــــــــــهوجي
وأوصل إل حلك إهواي وانتحب وأبجـــــــــــي
كون الحبيب إيصــير مقلد والبســـــــــــه
وبين النهد والثوب سنتين أحبســـــــــــــــه
كون التريـــــــده الروح أ ُجـٌرب لنـٌــــه يمـٌك
وتكًضي العمر ويــاه إتشمه ويشمٌـــــــــــــــك
--------------------------
روحي إبسريــــر الموت تنشدني عنــٌـك
وتكًلي ليش إهـــواك متبري منـٌـــــــك
أرد أسـأل العشــــــاك ليش آنه مشتــــــــــاك
نايم إبحضن إهــــواي واشكي من الفــــــــــــراك
--------------------
ميت والمعزيــات موش أمهــٌاته
مايبجـَن إعله المات يبجـَن شمــاته
ميت والمعزيات يبجـَن عياره
ويرمـَن على التابوت كَطف الجكًــاره
ميت والمعزيات مابيهن أمـــــٌه
وحده التشـَتم بيه وحده التـُغمـٌه
---------------
أشرب واريــد أنســاك واسكر واذكــرك
مو بالعظم ويطيــب بالكًلب كســــــرك
خَـلْ روحَـــكْ إبعِـز دوم بالك تذلهــــا
ولا تطلب الحاجــات إلاٌ من أهلهـــــــــــــا
غصبن عليـٌه الروح آنـه الأذلهـــــــــــــا
محتـــــــــاج والحاجات ماهُـمٌـه أهلهـــــــا
وين الكفن ينباع يالشايل الخـــــــــــــــام
عدله أرد أطمها الروح من ظيم الأيــــــــــــــام
وينه اليصل لهواي يشكيله حـــــــــــــالي
أوجرن حيل وياي ذنـٌي الليــــــــــــــالي
هم شفت بيت أنذال ربـٌـاله حُـره
جا كًًــلنه بالتبليط تطلع إفطـٌــــرٌه
الميت إشمدريــــه باليمشي جنـٌــــــــاز
لكن طبعها الروح تربي إعله الإعــــــــــزاز
حيرة
خلـٌـيتك إبسرداب فوكًًـــــه متر صَـبْ
صبٌـح الواشي وياك من ياكتر طـَــــــبْ
من قِِسـت حلك إهواي المحبس أصغـــــــــر
خافن يغص بالماي يالكاظم إستـــــــــــــر
سَـلٌـمْ ولَو بالعين تكفي الإشـــــــــاره
روحي إبتلت بهواك .. سـَـوٌيلي جــــــــاره
عود آنه مثل الناس هم عندي بــــــطه
راحت تغط بالماي والغطٌـه غطٌــــــــــه
وينه اليخَيـطْ العين ويفكني منهـــــــــــا
كل ما تصد للدار يكثر حزنــــــــــــها
شفت الضوه إمن إبعـيد كًًلت إحتركًًنـــــه
لمٌـن وصلت البيت لن ولفي عدنـــــــــه
الغربـــــه
كاظم الوائــــلي
الغربه سـاحة خيــل ومزامط إرجــــــال
واليطب بيها إبزود كون أصله خيـــــــــــٌال
الغربه وصــلة بور مابيــها ثمره
تترجٌه غيم الصيف يمطرله كًًــــــــطره
الغربــه زين وشين ذ ٌبت عليـٌـــــــه
والعيـــشه وي بـــذاٌت أكبر بليـــٌـــــه
الغربه من الناس راوتني أشكـــــــــــال
والكذب لو بفلوس ما ظنـٌـــــه ينكًًــــــــــال
بالغربــه خاوه الروح تنـْـوِخـِـــذ كًًـــــوٌه
واليرِد حكًًٌــــه إبسيف مو بالمـــــــــــروٌه
أهلا وسهلا بيــك وكثــَر بالوياك
الكَلب قبل العين فز وتلـَكَـــاك
تحدي
رش الدرب تيــزاب حافي أعتـني لـَــــــــك
جا شٌـلي بالرجليـن الما تجي لــــــــــــك
لو ترِش مو تيــزاب لو تزرع ألغــــــــــام
اللحم خلـٌه إيروح أوصلــــٌك إعظــــــــام
يقول الشاعر العربي
لابد من حي الحبيب زيارة ولو شبكت حول الخيام رماح
ويقول الدارمي
أُوصـَـل إل حي إهواي لو تشبـج إرمـــــاح
والمعتـني الطيبــات مو فشـله لو طـــــــاح
الدنيـــــا
زيبكَ إبكف سكران خـَلٌتني دنياي
مابيه أجيك إزحــوف ولابيه مشـٌاي
الدنيا بس وياي شـَدت عداوه
ولا واحد إمن الناس لجروحي داوه
الدنيا للتِـــهواه تفتحلـَـه الأبواب
ينزاح حتـٌى الكَيـظ ويصيــر خنياب
الدنيا للتهِـواه تِركَص إمفرعــه
وآنه تجيني إبموس وتكَلي إبلعــه
الدنيا للتهواه تركَصله جــوبي
وآنه الفكَر يا ناس شكَــٌالي ثوبي
يالكَلت سبع سنين عمر الكَلب شـــاط
آنه لفاني الظيم من لف الكَمــــــاط
الواشي
الواشــي فنـٌـه إيفـوت الواشـي فنـــٌــــــــه
دم للرجــــــاب إيصيــر وآخذها منــــــــــــه
دم للرجـــاب إيصيــر متعَـجٌب إبهـــــــــــاي
بالدم مِشـــه المشحــوف متعــٌني لهـــــــــواي
بالدم مشــه المشحوف منها وتكفيــٌـــــــــت
آنه أكسر التابوت وآكل لحم ميــــــــــــــت
حسره
أطلـَـك وأعت بالكًـــــاع مثل المعســــــره
حسبالي عشـر إفروخ تاليــها حســــــــــره
حسـرَه إلكْ بالدَلال ظـلـٌتْ لما أمـــــــــوتْ
ماتدري حقها الناس إصوابي بسكـــــــــــوتْ
هاك أبرَه . , هاك الخيط خويـه أرد أكلفـَـــــــــك
أمسرٌد الدلال شِــلـٌــــه إعلى عِرفَـــــــــــك
هـاك أبرتك. .و الخيـط خويــه إمش عنــــــٌي
لو بـيـــٌه أشل إجروح .. جان أشل ذَنـٌــــــــي
جروح
جرح الفـــراك إيهون عن جرح الــــوداع
البيه دليلي إنصــاب يتطشـٌر أربـــــاع
زين وتشوفه الناس دلاٌلـك أربـــــــــاع
دلاٌلي من فركــاه مثل الثلج مـــــــــاع
سؤال ليست في محله
لاتســأل إعله الحال خلـٌيها سكتــــــــــــــــــــه
تسأل على المكتول والكاتل إنتـــــــــــــــــــــه
يسألني البطران إعربلي كــــــــــــانَ
حسباله مثل العام عقلي إبمكانـــــــــــه
شحجي وتريد الناس من عندي أحجـــــي
دمعتي إبطرف العين بس أحجي أبجـــــي
يسألني البطران حالك إشلونـــــــــــه
الغاضب الله إعليه هم ينشدوونــــــــــه
بسم الله الرحمن الرحيم
السلام عليكم ورحمة الله وبركاته
الحمدلله والصلاة والسلام على رسول الله وعلى آله الطيبين الطاهرين
انا ترکی البچاری من ایران و قد احب المشارکه معه اخوانی و خواتی فی شبکة العراق الثقافیه
گلبی جذع ما کول من کل الصفاح / و شوکحه کل هل ظیم واگف ولا طاح
يا ولفي اذ نبضك يلطم يايدين انة النبض يهواي ما عنده جفيناقتباس:
المشاركة الأصلية كتبت بواسطة محب الحسين
وشكرا
السلام عليكم
في الحقيقة هذه اول مرة أدخل على هذا الموقع الجميل وعندي هنا معلومة صغيرة للذي يرغب في كتابة الـ چ اضغط على مفتاح alt+0141 ولكتابة حرف الـ گ اضغط على مفتاح alt-0144 أعتقد ان الدارمي يكون اجمل بهذين الحرفين
تجربة
گ
چ
شيء جميل شكرا اخي الكريم
مشكووووووووووووووووووووووووووووور على هذه المعلومه اللطيفة يا اخي الكريم .
]عونه الفطر هاليوم برض الفراتين *****واحبابه كلهه وياه مجتمعه صوبين
محله الفطور هناك يم جمع الاحباب***ماجن عطش لاجوع ومسامر اصحاب
السلام عليكم ورحمة الله وبركاته
تحية لكم اخوني الاعزاء جميعا من الاعماق واشتياق لكم بعد غياب طويل وقد كان فطورنا مع الاحباب
فعلا بالعراق الغالي
وردي اتى متاخر على بيت الاخت خادمة الزهراء كان قضاء مافي الذمه ههههههههههه
رف النبض بالروح والكم خذاني***ليكم ارد اردود غفلة ورماني
مامش اشوف شصار مامش شعر ليش***خير الحصل ياريت ياربي بالريش
مع فائق الشكر والتقدير لكم اعزائي
اقتباس:
المشاركة الأصلية كتبت بواسطة ابو علي
السلام عليكم
اهلا بكم اخي ابو علي وحمدلله على سلامتكم وقرة اعينكم برؤية الاهل ان شاء الله
[align=center]مامش شعر ياخوي نكتب بعدكــم
رحتوا وهجرتوا الدار زين الله ردّكم[/align]
عمي الشعر موجود مايكضي ويروح
بس كولي زادت فوك طعناته الجروح[QUOTE]
وعليكم السلام والرحمه
جزيل الشكر اخت دجلة الخير على ردكم الجميل
ماادري هل انت خادمة الزهراء وغيرتي اسمك؟
على العموم انت او غيرك كلكما خير وبركة
مع التقدير
السلام عليكم
نريد الجديد من الدارمي في بلد الابداع وان نحترم تراثنا او نكتبه ونهمش تحته من التراث ***
واليكم مشاركتي
سعفه اوكسرني البين ياساعه اطيحن
ادعي الله من فركاك ساعه اسنريحن
سالم الحمداني
سوق الشيوخ
اقتباس:
المشاركة الأصلية كتبت بواسطة ابو علي
[align=center]هلا بالاخ ابو علي
انا اختك ام محمد اذا تذكرني :)
انتوا الخير والبركة[/align]
اقتباس:
المشاركة الأصلية كتبت بواسطة سالم الحمداني
[align=center]حيالله الاخ سالم الحمداني وحيالله اهل سوق الشيوخ اهل الشعر والتراث الاصيل[/align]
[align=center]ياريت سعفة انگلب وتعتـّـني الريـح
ولاروح يمكم ابد ودموعي إتطيح[/align]
شنهي امي شنهو الناس شنهو الكرايب= فركة حبيب الروح هي المصايب