الحوت البلع يونس حي وحيبيه
وابن يقطين ما احرم وحي بيه
احسين بمصرعه رحب وحي بيه
والمصطفه انخط عمره باديه
عرض للطباعة
الحوت البلع يونس حي وحيبيه
وابن يقطين ما احرم وحي بيه
احسين بمصرعه رحب وحي بيه
والمصطفه انخط عمره باديه
السلام عليكم
[align=center]أبــــــــــــــوذيه ميسانيه جنوبيه أهديها لكل عـــــــــــــــــراقي داخل أو خارج العراق
منو مثــلي بني آدم تمر مر
و عليه الفرحه ما مره تمرمر
أنشدك يوم هم شايف تمرمر
مريض انا و دوا وصفوه اليه
مع تحياتي القلبيه لكم
و اسف لمشاركاتي القليله معكم بسبب بعض الضروف الخاصه
عند نقل الابوذيه يرجو نقل المصدر
اخوكم
الملك[/align]
السلام عليكم جميعا ورحمة الله وبركاته
ياريت كل الأخوان والأخوات يلتزمون بتسلسل المساجله حتى تكون هناك وحدة موضوع وزيادة في المقدرة الشعرية والشعور بالمتعه في صياغة الأبيات وياريت كذلك ان تكون الأبيات من نظم المشتركين واذا صعب الأمر فلابأس بذكر ابيات مقروءة ولكن يجب ان يكون موافقا او جوابا للبيت الذي قبله 0 ولنبدأ من جديد اعتبارا من هذا البيت ان وافقتم 0
ياهو المهتم ابهمي من الهام
ناحل جسمي او بايد من الهام
لتظن انشد او انظم من الهام
نشدت الشعر من غصبن عليه
مع فائق الشكر والتقدير
و لا يهمك اخي الغضريفي ........ و انا حا امشي على هواك ,,,,,,
ولك مني هذه الأبوذية
وحك الـــــــــــــي ثوابه نريد وجره
مصابي ما سدا لمحبوب وجره
اذا همك سرى نيران وجره
انا من الهم طحت فوك الوطيه
السلام عليكم
وعليكم السلام
السلام عليكم
أرجو من الأخوان أن يكتبوا بين قوسين مقابل كل جناس المعنى المراد منه يعني تفسير الكلمه الجناس الأخير من كل شطر من بيت الأبوذيه
ولكم جزيل الشكر
شطراه ...
حرت شكتب بخط الشوك شطراه ( شطري شنو اذمر )
وعلى المحبوب قلبي يزيد شطراه ( انشطاره وانقسامه )
أنا من أسمع الحادي ايصيح شطراه ( مدينة الشطره )
أصير تراب وانذر عالوطيه
البيت منقول ولست صاحبه
شكرا لكم.....
[[align=center]font=System]منا زار
الموضوع جميل شكرا على اختيارك
وهذه مشاركتي
طار وما كلت للناس عطار
وشسولف عالجرح بالكلب عطار
جنت وياك شايل خلك عطار
طفل ماتشتري وتلعب عليه
تحياتي
النور[/font][/align]
[glow=FF3333]يحادي لاتعذب الروح خلهة
تراهي معذبة ببعاد خلهة
لزم ايدي الطبيب وصحت .......
الجرح وسط الكلب مو بين ادية[/glow]
صامد العكيلي
سلام عليكم ياصامد العكيلي احييك على هذا البيت الجميل ولك هذ البيت من الابو ذية:
مثجلة بالحزن روحي وحبلة
بحشاي نزرع سره وحبلة
مثل امة اباريلة وحب لة
وهو فاركاني يباري الية
مرضنه وعيب من فركاك طبنه
اولادكتور جس وعرف طبنه
اذا الرحمن آنه وياك طبنه
حجي الوادم فلا ياثر علية
اخواني الاعضاء
احببت ان اشترك معكم
و لكم ابياتي
الچ فدوه تروح ارواحنا و غالينا
بغداد بدمنه نفديها ومانكولن بالغنه و غالينا
خل احضانج الطيبه يصيرن ساحه وغالينا
نموت بعز و لا نرضه الردية
تحياتي
تحياتي لك يا اخي جعفر واحييك اينما كنت .
اخي العزيز هذا البيت الذي كتبته هو ليس من وزن الابوذية ارجوا منك تصحيحة لانة فيه اخطاء كثيرة في الوزن .
ارجوا ان تتقبل مني هذه النصيحة . مع فائق احترامي
بسمه تعالى ..اخي العزيز جعفر ..((عراقي وافتخر )) وعلى نفس المنوال اليك من الالم والمعاناه والفرحة بلقاء الحبيب وكانه دواء ((البنسلين ))الشهير
وحك مكه وشبل حيدر وموسه
الهوه تذبح سجاجينه ..وموسه
حبيبي لو لزم جرحي وموسه ((ومسه ))
ايده بنسلين اتصير اليه..