عرض للطباعة
سلام عليكم ان جميع المشاركات هي من نضمي علما اني عضو جمعية الشعراء منذعام1997مع تحياتي للجميع الشاعر عدي الصالحي
ابدبلعشك ملعب والهواني
وما اعوف اليحبني والهواني
انة الماي صدك والهواني
ادمرك لوتفكر تخون بية
بالك لايظل شارد لك انتة
الكلب بس يمك ايغير لكنتة
حرت وياك روحي اني لكنتة
بس احجي تهد روحي علية
السلام عيكم اخوتي الشعراء ورحمة الله وبركاته
اعرض على جنابكم الكريم المشاركة بمساجلة في الابوذية وذلك لسقل المواهب والله من وراء القصد
اخوكم وخادمكم
الشاعر
محمد العيساوي
السلام عليكم ورحمت الله مبركاته.
بجيت بحركتي بجفاك والسال
دمه وحل معضلات العذل والسال
العسر كلش شبكني شبك والسل
نطرح يمكن لكاله فراش بيه
السلام عليكم
السلام عليكم اخ عدي الصالحي \طبعن انتم البو صالح معروفين بالشعر الشعبي\وهديلك هذه البوذيه من نضم الشيخ (بدر الرميض)
علي فاتت وسلترها بختها
غزاله النار البكلبي بختها
وحك الكال بدلها باختها
شلون النار والجنه سويه
هاك انضر الكلبي شسالمنه
دمه بفراك خله سال منه
مدام انته يصاحب سال منه
خلي شما يصير يصيربيه
ماكو ردعلى البوذيه
وعليكم السلام والرحمة
اهلا وسهلا بكم شعرائنا محمد العيساوي وعدي الصالحي ومحمد تقي....
رخه جسمي بغيابك ومن رخه صطك
اسومن بيك غالي مارخصتك
سحكتني عاد كلي من رخصتك
حته براحتك تسحك عليه
الله الله عليك يابكري عاشت ايدك هذا تغريد
وهديلكم هذه الابوذيه
خلافه حبك ويسوه الخلافات
ورغم مابيني وبينك خلافات
سهمك كلبي مارده خلا فات
والمن فات كله ارجع عليه
[B]شكرا على اطراءك اخ ابو محمد تقي واهدي اليك والى الاخوة الاعزاء هذا الابو ذية
من جودك يخية ---------ميتاني
وياهو اليبرة ضعنك ------ميتاني
اعذريني يزينب --------ميتاني
وراسي اعلى الرمح شاهد علية
السلام عليكم
الدنية وياي زعلت بيهة صالح
واخبرك كلشي ماضل بيهة صالح
اضل جم دوب اكولن بيهة صالح
واذاصالح بقة تنكلب بية
علي والة عطر فواح للشام
وحسين اليضدة وجه للشام
زينب لاتكلي انسبت للشام
الشام الزينب انكادت سبية
مع تحياتي الشاعر عدي الصالحي
الاخ علاء الشمري السلام عليكم
احب اكملك القصيده
ستحه ملك الموت من دور عليك الحد الما كتله هذا انه دنه لي قبض روحك
روحه طاحت بين اديكلحين لمن صاح دخيلك ياعلي
جاهلك جامات لولاك الاسلام ساعدك والباب صارن كنطره
وحنه حب حيدر علي عدنه انواع واحله نوع نصير خشبه بمنبره
الكبر ضيجه وحنه نفرح من نموت الان كبت حيدر بصف المكبره
تحياتي لجميع الشعراء الكاتبين في هذه المساجلة . وبودي ان اضيف شيء من الابوذية .
ماتدري بسهم اجفاك ون فات
بدليلي. وركد من الحيل ونفت
ضليت اجذب الونات ونفت
على الراحوا غفل من بين ادية