المساجله الشعريه في الدارمي

كتلهة تتحنين بجفاج الية
كالت مسحت العين واثر بدية[I]

عمدة ارد امر بالداروالطم على الراس
اصرخ وصيح الغوث وتجرني الناس

.عمدة ارد امر بالدار والنوح ازيدة
واسمع صداهة يكول راح التريدة

عمدة ارد امر بالدار واشبع مغمة
مثل الطفل مفطوم ومفارك امـــــة

لزمن تمر بالدار وتزيد النياح
وتبجي اكثر ماجان جنت انتة مرتاح

تحلم جنت بالطيف تتمنة احاجيك
سبحــــان من خلاك تجفة من الاكيك



اين الردود الجميلة والقوية شنووووووووووووووووووووووووو عزلنة

ما خاف انة من اعداي من ولفي خوفي
والما وفة بهالـــيوم جا يمتة يوفي

وكحة التدير الماي مارجفت وطاح
متشمته بالمطروح الجان اله ذباح

ديروا لي مية راس نكطولي الف ماي
اتعبكم وما موت لمن يجي هواي

اسجد لعد طرواه بمعانك الموت
احجي برشيح العين لو يبطل الصوت


هل من مبارز

شوف الزمان ايدور حته ويالطيور
شفت الصكر محبوس وينطرة عصفور

هذة الحوارية الرائعه وجدتها في احدى مطالعاتي ولااعرف الشخص الذي رسمها بهذا الجمال

اذا عدكم احلى خلي انشوف

هو

يتعارك الدلال وي روحي والعين
كلمن يريدك بيه ترغب تحط وين

هي
خاف احط بالدلال والجم اجروحك
تزعل عليه العين وياهه روحك

هو
تزعل عليج العين وياهه روحي
بيدي اكض الموس واريد جروحي

هي
بيدك تكض الموس واتزيد الجروح
جا شنهي نفع الطيب لو راحت الروح

هو
حكه وتهيج الروح من عندي وتروح
لن مالكت محبوب وايخيط الجروح

هي
لشلع اهدوب العين واخيط اجروحك
واتبادل انه وياك روحي ويه روحك

[align=center]السلام عليكم
:004: اخي mnnk2 لهذه المشاركات والابيات الرائعه التي ترفد بها هذا الموضوع
وكل مشاركه تضعها هنا تكون أجمل من سابقتها
شكرا لك مره أخرى
ولا تحرمنا من هذه المشاركات الرائعة
تقبل تحياتي اختك
خادمة الزهراء
:2:[/align]

الاخت خادمة الزهراء اشكر اهتمامك جزيل الشكر
الشعر الشعبي والدارمي خاصتا من يتذوقة فهو ذو احساس مرهف وعقل منفتح لان فية من المعاني يصعب على الكثيرين فهمها لوجود مايسمى الحسجة باللغة العامية والتس فيها من التورية الشيء الكثير واعلمي الاخت العزيزة اني اتذوق الشعر واجمعة وقليلا ما اكتب

ماجنت اضن فركاك تصعب علية
انته النفس للروح واشضل اليهشكرا مرة ثانية .


أطلب وقلك صار تامرني أنــــته
عمري من أول يوم بسمك رهنته