هل نعطي فكرة عن عالم العراق مدني أقتصادي سياسي

هل نعطي فكرة عن عالم العراق مدني أقتصادي سياسي
قول الك والعليك ( ليكن هذا شعارنا )
طبعا أكتب بدون مصادر وأرقام لأنه ما يحتاج محفوظة في الذهن
ما الذي جرى وما الذي صار
الحرامية كانوا قلة في العهد المقبور الآن صاورا حدث ولا حرج
هذاك كان يفرهد بأموال الشعب على قصوره التي بقت للأمريكي ولمن هب ودب ما صار واحد منها مكان يخصص كحديقة عامة يدرس فيها الطلاب ذات جو يساعد عل الدراسة كقصره في المجموعة الثقافية في الموصل الذي تبلغ مساحته 100 دونم مربع على الأقل فلمن هاي الآن بيها قاعدة أمريكية شفت أشلون ... وكان يفرهد ويعطي من لقمتنا لدول ما مستفادين منها كلشي ولا راح تفيدنا لا مستقبلا ولا حاضرا ورواتب الموظفين كانت تعبانه كلش وكنا نشتغل لو أنبيع ثلج لو رقي شرط بالسكين عل الشارع لكن ما صار بينا خير مثل ( عزت أبو الثلج )
المهم السالفة طويلة وفطسنا أفطوس لكن كان أمن أشوية أفضل من الآن والنوب ودانا بغزو الكويت ( والكويت مستحقة أن يفعل بها ما فُعل ) لكن الكويت وراها أمريكا وربع أمريكا وما فادتنا لا صواريخ الحسين ولا العباس
المهم سالفتنا أيضا كنا متذمرين من حال المعيشة كل النهار تركض حتى تعيش عائلتك ومرات قالب الثلج ونتيجة حرورة الجو يصير بأربعة آلاف وكانت هوايه .... تعرضنا لحصار جائر مفروض من كل الدول
وحتى لو نعتبر أن النظام هو المسبب لكن كشعب ما ذنبه ؟؟
لم تساعدنا أي دولة شقيقة أو غير شقيقة
والآن ايضا لو يحصل على العراق مكروه ( لا سامح الله ) أيضا سيتفرجون علينا لا أكثر ...
نختصر الطريق ونعوف المرحلة ونكول راح أبليس وولى
الآن الشارع العراقي أينما تذهب تجده يغلي ...... لماذا ؟
بسبب تحاصص الأحزاب كردية أو عربية سنية أو شيعية
تجد العطالة والبطالة
تجد الناس تطالب بحقوقها كما هو حاليا يتظاهر المتقاعدون ويعتصمون قرب مبنى هيئة التقاعد في الشواكة
وفي أي مقابلة بالشارع تجريها القنوات الفضائية تجد الشعب العراقي عموما ساخط ... ليش ؟
صحيح كانت فرحة بعد أقتلاع الدكتاتورية في 2003 لكن ما دامت الفرحة أو ليس هي الآن كما كانت في ذلك التاريخ .... ليش ؟؟؟
كل سنة تمر تكشف عن جرائم فساد وإداري لا يمكن أن تحصى ..... ليش ؟؟
في كل سنة تمر المواطن يخيب ظنه .... ليش ؟؟
يحلم الخريج بعد 20 سنة من الدراسة ويكمل الماجستير ويتمنى لو يعين ( فراش) ليش لأنه ماكو فرص !!
وين تروح الفرص !! تروح لأولاد الرفيقات .... مو !!
لو كلهم صاروا أولاد رفيقات ..... !!
لو أنقلب السحر عل الساحر !!
والله ما أدري
والله ما أدري