قصيدة شعبية ... عــراقـــي آنه.... للشاعر ابو حيدر اللامي

قصيدة شعبية ... عــراقـــي آنه.... للشاعر ابو حيدر اللامي


عــراقـــي آنه

الشاعر ابو حيدر اللامي (هولندا)

ياغبشت صبح يا فزعت الخوان
يالمت هلي وكعدت دواويني
الكم دين عدنه انرده مانحتاج نطلبكم دمه
الشبان بيش اتعوض ال اصباح كلي اشلون ترظيني
يكول انسه المضى دكتورنا المهيوب دكلي
اشلون ياصفحه الاظمه الصفحه تطويني
اذا ذاك الاجاكم كال ننسه الصار ماننسى كل
كطرة دمع من عين الايتام من اطيح فوك اجفوفي تجويني
طالبهم عراقي ولاتهاب اصباح واعياله
نطلبهم دمه واتذكر اسنيني
اذا انتم نسيتو انه ماانساش
يحركني ظميري وغيرتي وديني
حد سيفك يهذا مااطخلك راس
ما اذعن واكلك جرح ياذيني
عراقي انه المجابر طبع بيه وشوف لبسنه
احنه الجفن رظعان كل ظنك ياانته اتريد تلويني
عراقي انه الشمس ماغيب يابو افلان
اذا غبت ابشرقه ابغرب تلكيني
اوجن للسمه من يصعد الغيض
واذراعي الجبل فنك تلاويني
اداعيكم اداعيكم لان انه العراقي وابن ذاك
الليل موش ادخيل اذبحوني ابسجاجيني
موثوبي اللواكه واشكر ال اصباح
لبست انه الكرامه وزين تدريني
اذا مدو اديهم ايدي ماتنمد تنشد ليش كبل
مارجلي تاخذني غصب يمهم كمت كصيت جفيني
كالولي اجيت اتشوف كلت ماشوف كالو
ليش كلت انه ابجفوفي وكبل ماتنكص اكلكم ودرت عيني