الحكومة لاتدري ماذا يجري , الشعب يدري ولايدري ,,,, الله وحده يدري

خرجت اليوم من بيتي البسيط في حينا الشعبي على ضفاف شط العرب والجميع لايدري اني تيل يلقبوني بابو فلان الطيب ,,,, توقفت لانقل بسيارتي رجل كبير السن معي ذاهب الى السوق اول ماصعد كتله وين رايح حجي كلي استلم راتبي التقاعدي 950 الف يقولون نزل كتله حجي شنو جنت تشتغل ابتسم وقال انه مفوض امن بزمن صدام بس والله العظيم ولاواحد كاظ بيدي لو معذب ضحكت كتله حجي هو الفراش بالامن جان يشيل صونده هسة ماعلينه شنو الاوضاع كال والله كل ولدنه معتصمين ولازم نغير الحكم كتله عفية عليكم هاي الزلم الخشنة تاكل براس الحكومة وتطلع عليها .تتظاهر ................... نزلته يم مكتب كي كارد وطلعت وكفت سيارتي يم محل الفواكه حاط سماعة تصيح موز بالف رمان بالف برتقال بالف الطماطة تلاثة بالف وكفت صافن واتذكرت زمن صدام رمان كله خايس وبحسرة الموزة الراتب مال المتقاعد 3 الاف بيها كيلوين موز المهم اتسوكت بعشر الالاف ترست صندوق سيارتي الكامري تيوتا وانه افقر واحد بالمنطقة المهم وانه متعدي بمنطقة الجزائر وهي منطقة راقية بالبصرة اباوع للمحلات عبالك بدبي كله اجهزة الكترونية وساعات سويسرية ومحلات ملابس تركية والمانية وبلجيكية ,,,,, صعدت جسر التنومة اتمتع برؤية الشط وانه رايح لبيتي هناك عبالك البندقية بايطاليا بواخر صغيرة وكبيرة وحركة نهرية وناس تصيد سمك وناس تمشي عل الشط وبنات عبالك بنيويورك لبس مختلف هاي بعبايتها وهاي مالابسة احجاب وكلمن بحريته ,,,,,, عبرت الشط اكو سيطرة شرطة شلون ولد حبابين كلولي تفضل عمي سبحان الله منك وبيك وتحس بيهم ولدك وين قبل كلهم غربه وكله يولو مايولو ,ولااحترام وكله زبر ونتر ,,,, وانا داخل فرعنه بالتنومة لكيت طلاب مدارس يطبلون على الكتب ماكو حزب ,,,,, بها الوكت ,,,, موتو يرجعية .... تعجبت كلت هاي شعارات بعثية ماكو حزب الا البعث موتو يرجعية لازم ابن رفيقه سامعه من امه هالحجي وجاي يرددها زين ,,,,, هسة الحكومة تدري ماتدري بهالشيء الناس الفقارة تدري ومغلسة ماتدري الله اعلم


الحكومة لاتدري ماذا يجري , الشعب يدري ولايدري ,,,, الله وحده يدري