شعر سامي السيد توازت اويانا يحيدر
توازت اويانا يحيدر وصلت الحد الكسر ......... توازت اويانا يحيدر وصلت الحد الكسر
حتى تاريخ الوطن صاحو مزاد ............... او رادو ايبيعونة بس بيا سعر
بيا سعر ينباع دم الاولياء ..................... هاية مو صفقة ولا ورقة او حبر
والله قهرونة يحيدر يا علي ....................... اجكد سفيه الـ علوطن ما ينقهر
الشفاعة يا امير المؤمنين .................... يا شفيع الامتك يوم الحشر
انت من عظمة لسانك يا علي ................... كلت للشدات ضموني ذخر
وحنة من نندب علي ننسة الجروح .................. او يم حضرتك سيدي أيهيم الفكر
كلم الحجة علينا يا علي .......................... او كلة حيل توازت او ضاك الصدر
اليا وكت نبقة احنا يا حامي الحمة .................... ننظرب بالسوط وندوس الجمر
اليا وكت ننتظر لحضات الشنق ...................... والمشانق عالركاب او تنتظر
او صارت الدنيا مثل يوم الحساب ...................... او وكف عزرايين بيها بكل شبر
انعصرنا بقوة عصرت ضالمين ...................... او دمنا بجة الكاع من كثر العصر
نبقا مجبورين احنا اليا وكت.............................. امداها الدنيا لو صارت جبر
الحدمن استعمار يابو المجتبى .......................... اضلوعنا لهل الطمع صارت جسر
طاغية يسلم كتابة الطاغية ............................... او ذاك يطي الهاذ تسهيل الامر
اجكد صبرنا سنيـن يا حامي الحمة ....................... او بعد ما بينة يحيدر عالصبر
مرمرونا اوداعتك يابو الحسين ......................... او شفنة من افعالهم نجم الظهر
ليش كل اية اليجينة ينذبح .............................. اشجم حكيم انذبح جم صدر بصدر
انهدر دم السادة في هذا الزمان ............................ دم رســول الله يحيدرنا انهدر
بيا عذر باجر نكابل فاطمة ............................... من تعاتبنة نجيها بيا عذر
اتطالب الزهراء بولد المصطفى ............................ تكول وين الثار وين اعظم اجر
هية جم اعمامة طاحت عالارض ......................... او محد يطالب بحقها او تندثر
والله عيب شلون يا شيعة علي .............................. هاية بالتاريخ الاسود تنذكر
هاية بالتاريخ الاسود تنذكر
