واخيرا العوادي يستطيع الاتصال بالسيد مقتدى ( مكالمة مسربة )
عواد العوادي : سيدي على بختك انه سيد عواد سيدي انا خادمكم سيدي
سيد مقتدى: اي ادري ليش ماتنفذ اوامرنه
العوادي؛ سيدنه وداعت دم السيد محمد الصدر ماعندي شي
السيد مقتدى؛ انت الوحيد اللي ادري بسوالفك وماحاجيك قبل اربع ايام جان يمي ابن عمك وكلي كلشي عنك وعن مزارعك وبيوتك اللي موزعها على كرايب مرتك
العوادي: سيدنه اروايك الطابو من عشر اسنين عندي المزرعة سيدنه على بختك هسة انه مصيري شنو سيدنه
سيد مقتدى؛ تسلم كل املاكك للجنة اللي كلفتها وتتنازل بالمحكمة نريد نوزعها عل الايتام حتى اذا كملت اسوي كتاب استثناء وماريد اشوفك لمن تكمل التنازل
العوادي : حاضر سيدي بس خليلي بيتي بالقرية اقلها ضمان جهالي
سيد مقتدى: كلهم تسلمهم واحنه نقرر تالي شنو ننطيك
العوادي : حاضر سيدنه... حاضر... بخدمتكم سيدنه ... انه خادم الكم سيدنه
شنو سوة بينه هذا تدرون سوة ماسوة
العوادي يذكرته بابو تحسين بسقو ط الصنم من لزم صورة صدام ودك بالقندرة اشو هذا نفس اللزمة لازم صورة مقتدى بس يتوسل بالصورة ادري اذا انتم سياسيين التيار تفتهمون عود هذا تفكيركم اللي مدكدكين بالثورة والحيانية شنو وضعهم الله يستر على العراق من هذول السربندية على كولة جدتي