من حلاته
راس القند خده ** من حلاته
وعسل صافي أعلى شفته ** من حلاته
ألحسن خجلان دنك ** من حلاته
ذكت خده وعلك السكر عليه
**
للشاعر قاسم كريدي المالكي
من حلاته
راس القند خده ** من حلاته
وعسل صافي أعلى شفته ** من حلاته
ألحسن خجلان دنك ** من حلاته
ذكت خده وعلك السكر عليه
**
للشاعر قاسم كريدي المالكي
ماادري حبك صدك
ما ادري نزوة شيب
**
من تمر كلي ارتعد
شاة وخزرها الذيب
**
كلشي ابحلاتك حلو
مابيك يسمر عيب
**
سبحان من صورك
مرسوم حبك رسم
**
شايل جبال وسهل
أيساعد ألله ألجسم
**
ألشيب يلبس حزن
صدكني من يبتسم
*****
من شعر الاخ قاسم كريدي المالكي( نزوة شيب )
وابراك
يكلبي ألهم دعاك انحيل ** وابراك
وذلولي جزع من ألسير ** وابراك
ياهو الحاكمك ياترف ** وابراك
هذني أشهود ألك جرحين بيه
والابياض
بعد ماوجد الاسود ** والابياض
امن اديه وطار اللحيمي ** والابياض
حدي وياك للوحه ** والابياض
وبيدك من توسدني المنيه
ولكهاف
حلاتك ذيب من تمشي ** ولكهاف
ولك نار الغضا بكلبي ** ولكهاف
وحك الحمد والكوثر ** ولكهاف
أكوم عظام من تمر عليه
يافل
حبيبي شبيك وشغيرك ** يافل
جنت أوياي سمن بعسل ** يافل
بعد مافاد ضرب الرمل ** يافال
سوده مصخمه صارت عليه
******
للشاعر قاسم كريدي المالكي
أنا وليل ألمجر والون والهموم
أنتشارك والدمع بعيوني شاهد
*****
أنا ألضيعت عمري ويالمجانين
انام أعلى ألحصيره وكلبي جامد
*****
ردت أشعل ألنار بكلب ألحباب
أحترقت أنا وقلب محبوبي بارد
*****
تهنه ونام باأطيب عرك طيب
لأن كل ألجروح أصواب واحد
*****
ياهرش ألكطعته أبساعة ألغيض
تضل تنزف غضب وبغم أجاهد
*****
ياريت أمن أموتن أنت دفان
نتباره ألذمم يبن ألأماجد
*****
أوصيك أووصيتي أبرقبتك دين
اذا زعلان خلني أبضيمي خامد
*****
لأن غيضك ثكيل أوحمل هميان
وأظن مايك خبطته وجان راكد
*****
أنه ألمديون ألك لمجرجع الخام
أضل ألياوكت يفلان لابد
*****
وسدني ألمنيه وكلي مبخوت
وهيل أتراب همك وأنت صامد
*****
أهناك أمن أنتلاكه بيوم ألحساب
أنجيل أذنوبنا بميزان واحد
*****
من شعر أبو عمار ألربيعي
أيها ألأخوه ألشعراء في جميع ألبلدان
**********************
هذه ألزاويه من ألشعر مفتوحه للجميع وألحقوق محفوظه ولكن يتحمل ألشاعر ماينشر من قصائد ونتمنى ان تكون هادفه وترفد ألأدب ألعربي بصور شعريه رائعه وجميله وغير مطروقه سابقا وشكرا جزيلا ***
أبو عمار ألربيعي في ( 20 /أيلول / 2010 م )
منتخالي
نخيت اوليد أخيتي ** منتخالي
وحلفلي ابروح خالي ** منتخالي
كلب سمجه يكلبي ** منتخالي
تظن كل ابن اخت يطلع عليه
شفته
يحط حمره اعلى شفته مره ** شفته
كلت مسكين صارت مره ** شفته
طلع غلطان ظني من ر ** شفته
طلعت لاشكر لاعسل هيه
لاتسربه
يحادي الزمل هونك ** لاتسربه
وتره كلبي أمانه ** لاتسربه
ولو سرك زمانك ** لاتسربه
تره سنين العمر حلوه أورديه
وليفاي
راح ألجان ألي ونسه ** وليفاي
وجان من الشمس ظلي ** وليفاي
فيته ما تضر غيري ** وليفاي
بقيت أوحيد بس أصفك بديه
وألطمانه
عليك مهدل أنحب ** والطمانه
وأبد ماذكت راحه ** والطمانه
وحك ألله من ألده ** وألطمانه
أوسدنه ألمنيه أوأطفي ضيه
وألترابه
وحك نتاك كلبك ** والترابه
تضل عيوني وكحه ** والترابه
أنه الساكن مريبي ** والترابه
واعرف الشاع والملغز عليه
قصيدة ( مسني ألضر ) / للشاعر علي كاظم درجال
********************************
مسني الضر الاهي وكلت سبحانك
انا الظالم وانا المحتاج غفرانك
**
أنا الزامطت كل أعداي ياربي
كلتلهم أطيبن من علو شانك
**
يلكلك سماحه ومحب للتواب
للطيب نفس مفتوحه بببانك
**
يربي اشكد مظالم شايل ألأنسان
تصغر من تصير بحضن ميزانك
**
انا ابشدة الداي ولحظه ماانساك
أشلون ارضه بنفس تتمنى هجرانك
**
لأن انت الجميل وكل جمالك نور
والنور اعلى نور اسمك وعنوانك
**
غشيم ألي يعبدك طمع بالجنات
ومغرور اليعبدك خوف نيرانك
**
لأن انت اهل وألأهل كل الكون
حكمه ومقدره ومهيوب سلطانك
**
أحبك ياألاهي واليحب معذور
من يسكن الجول يهيم بلوانك
**
أنا كلي خلايا وكل خليه تكول
ياحي ياعظيم أشكبر ديوانك
*****************
والمدحلب
كتلني أليكرص بسم ** والمدحلب
مصيبه من يمدحك ** والمدحلب
أحب نهر الكرملي ** والمدحلب
واحب الهور جي مسكن أليه
***
خضره
عيونه ملونه والطوخ ** خضره
وأدامك للتعزمه بيه ** خضره
ذكرت أم ألفشك وبيوت ** خضره
وليالي الشوك والعيشه الهنيه
***
سياح
نكضي ألعمر بس نطوف ** سياح
أونعطش الكاع لو نرويها ** سياح
دهن الحر يعمي وخبز ** سياح
فطرنا وجن عسل ناكل سويه
أمي ألحنونه الزاجيه
************
امي الهزت الكاروك ** وامي اللولت وناحت
وامي الماتنام الليل ** لو نام القطا نامت
وامي انعجن بيها الطيب ** مثل الورده لو فاحت
وامي عيونها النجمات ** بعنان السما لاحت
وامي معدله وبت خير ** لو كعدت اولو كامت
وامي لو صرخ جوعان ** عافت زادها وصامت
وامي بلون ثلج الكاع ** بيضه ومهره لو صالت
وامي مهندجه وعيون ** شهله وبالدمع لاجت
وامي ام جرغد النوماس ** لو دردمت لو لولت
وامي اموسمه بشامات ** سود او عالوجن دارت
وامي المالواها العوز ** والايام من جارت
وامي اومن اصيح امي ** يهيج الشوك بيه وعت
امي وماابدل امي ** لأن كل بت لها منبت
امي مزامط الاوطان ** لو غنتبت لو ضحكت
امي من تزاعل ناس ** جن عين الشمس دارت
امي وبليالي شتاي ** تسهر ابد مانامت
امي اومن دمعها الكاع ** صارت وحل لو ناحت
امي وياحسافه الموت ** اخذها وفرحه مادامت
امي اشعندي غير امي ** الوفيه الطاهره البارت
امي ويامعزة امي نبت طيبين والبطون ماخابت
ـــــــــــــــــــــــــــــــــــــــــــــــــ
للشاعر / علي كاظم درجال ( ابو عمار )
يازمنا
يشيب الطفل منك = يازمنا
احباب الي نودهم = يازمنا
جنت تطوي الفيافي = يازمنا
شجاك اشعطلك شبطاك اليه
***
من شعر / عجرم بن حسين ابو السوف
( من الشعراء الشعبيين الرواد في ألمجر الكبير )
===================
[align=center]
شكثر جار الوكت لكن مجرنا
وكذا مرات بحباله مجرنا
لون رايد علينا انشد مجرنا
وياهو تريد روح أسئل عليه
******
مرض بالروح ما يبرئ ..... ولا أخلاص
الوفى والطيب والعشره ......والاخلاص
احب اهل المجر كلهم .......والاخلاص
داري ودار اهلنه أهل الحميه
29/11/2010
ثائر ارحيمة [/align]
[align=center]تنئ برك كليبي تعب .... وبراكاقتباس:
المشاركة الأصلية كتبت بواسطة ابو عمار الربيعي
وجرحي يريد منك خيط ....وبراك
خيالك صرت ماحسيت.... وبراك
تعبت وياك خاب التفت ليه
الاستاذ ابو عمار الربيعي تقبل هذه المساجلة المتواضعة مع ارق تحية
ثائر ارحيمة [/align]
ماصخ جنت وبجفي = ملحتك
تلح ما تلح متهمني = ملحتك
يعنكود العنب لتضن = ملحتك
كبل لا جيك طحت بين اديه
------
الدهر ما شلي كل الكلب = شل تك
وكتلك ما تفيدك هاي = شلتك
تذكر من طحت مو بيدي = شلتك
شمالك من طحت ما جيت اليه
--------------
ون كلبك عليه = ون على اهلك
واذا تهجرني اموتن = وانعل اهلك
من اشوفك حيل اسبك = وانعل اهلك
لان خصرك وكيح يعيل بيه
--------------
ذبت وبنار هجرك = مايع اني
ونشف من كثر دمعي = ماي عيني
تريد تشوف كلبي = ما يعاني
مد ايدك جهنم تلكه بيه
=========
=========
=========