تدرون شلون ضاعت منا السلطة ,,,,, واحد اعمايرجي يسولف لربعه
صدك كظيناها افرارية وبالهور وصدك اصديم ملعون السلفة راوانه الظيم بس ربعنه من اجو وحكمو العراق بعد السقوط تخبلو ماكامو يشوفون ناسهم شاف ماشاف كبل عل المناصب والدنانير عمي يادنانير الوفات وشدات وكل شدة تنطح شدة رجعو سوو قوانين خاصة بيهم وبكرايبهم دمج ولمج ورفحا سواها ملعون الصفحة نطى لكل عايلة 500 مليون شدعوة معقولة هيج عمتكم المناصب مافكرتو بهذا اليوم هنوب كل واحد عباته حرير وقاطه يلمع ونظاراته تلالي عبالك كلوبات وسيارته اخر موديل وكلها تكمز كدامة حتى من يجي يقره فاتحه يلصلص بعيونه ومايحجي عودن هو مسعول ابن الزفرة اللي جانت تبيع سمج وخلفته من السواكي مجاهد ومعارض وهو فرار مثلي وراح بالهورورجع صار مدير ووزير وهذا اللي ضحى هنا وتحمل الحصار لو القهر والضغط من صدام وقسم انسجن واتعذب ولحد الان محد نطاه حقوق ولاخلوه بالمؤسسة ماعنده حزب ولاعنده مستمسك ... الله ينتقم منك هاي انتم اليوم شردتو وخيركم يزك ماش الشعب طكت روحه ملاعين السلفة ليش هيج لعبتو بينه طوبة والناس حاسدتنه انتم الشيعة اتحكمون على شنو نحكم عل العشا خبيز هسه تقولون ليش اتطلعون تظاهرة ومؤامرة ولكم انتم شايفين اللي احنه بيه نايب عنده اخته وبت اخته وابن اخته كلهم وياه بالبرلمان لو عضو مجلس محافظة محد يشوفه كله بتركيا ولبنان عودن هو يروح يسوي مشاريع وهو يخمط ويرد لي ورى هسة شلونكم حتى المواليده 2007 طلع عليكم داكلوها وشوفو شلون راح تنسحلون مثل مانسحلو البعثية مو كلنالكم اكل كرصة وشبع اهلك وجيرانك لا كمتو تاكلون وتزربون وتعرسون كل واحد مشغل امكتبة 20 ابنية وعايف الشباب شنو مالك نووي مو عيب هو اخبال هنوب تعال شوف كبل اصديم وعدي هسة الف عدي ومليون اصديم عجيب خوات الكح,,,,,,,,,,,,,,,,,,,والله خليتوني اضيع ازيارتي توني راجع من الاربعين ولوو لاغيبة على فاسق رجاءا است انته اللي تتفلسف وتكول راح يضيع المذهب شنو يضيع يعني همه شنو مسوين صعد الونه ونزل الونه احنه نعرف نبجي ونعرف نلطم محد يعلمنه وكظينه عمرنه فلس ماحاطين حرام بجيبنه اهم شي هو هذا ولاية امير المؤمنين عدالة وماكو جذب وبوك ولهبنه هو الله شور بيهم واهل البيت عليهم السلام انتقمو منهم مناو,,,,,,,,,,,,,,,,,,,,ووويي؟
عمكم زاير امحيسن الدبيسي