والله لا يوفرون خدمات ولا تعيينات كم يوم وتنتهي المظاهرات
والله لا يوفرون خدمات ولا تعيينات كم يوم وتنتهي المظاهرات
لأنه تعلموا علينا ويعرفون شعب العراقي بوش بس ضجيج
أولا نسأل الله لو يهديهم لو يسلط عليهم وباء ويمحيهم
يعني كل شي فقد قيمته والأنسان العراقي على طول متوتر
راحت أيام الكهاوي والسهرات والكعدات والحنية بين أبناء الشعب
الآن واحد يريد يأكل الثاني وعلى أبسط شي
العراق إذا ما حكومة قوية وشوية بيها عدالة ما ينجح
وكل واحد على مزاجه
تنتخبه وتكول هذا أبن أصول وشبعان ما يمد أيده يطلع حرامي أكبر حرامي ومجرم
الديمقراطية جيدة لكن للأسف لا تنجح عندنا في العراق
لأنه أولا واحدنا ما عنده ثقة بالثاني
الأخوان الشيعة نتيجة الضيم الذي جرى عليهم من صدام صاروا أشوي حقد عندهم أو عند البعض منهم أو ليس حقد بل حالة خوف وشك وعدم ثقة
طيب صحيح
لكن أكول لكم كلام وتعلمناه درس من مسيرة الإمام الحسين أنه خرج لنصرة المظلوم
فأنصروا المظلوم وأنتم أهل لهذه الرسالة وأحق بحملها
شوف بعض الناس مالي شغل بالناقل ( صاحب الفيديو )
يمكن بعض الأخوة قال بعثي في مكان أخر ( موضوع أخر )
المهم الصورة لأشخاص في المثنى يقولون : ما نريد كهرباء نريد وطن
حقا خيبة لا أحترام لسيادة العراق
جيشنا قوي أقتصادنا قوي ومع ذلك الكل تشكو
لو زرت صفحات التواصل الأجتماعي في عدة بلدان وقارنت مع الصفحات التي يرتادها العراقيون لوجدت أن الأكثر شكوى وتظلم هم العراقيون
هل بدون سبب ؟
السبب في السياسيين وروحهم الجشعة
السبب في الأحزاب وتحاصص الأحزاب
السبب في تعدد الوجهات والأراء
السبب مرات بدون سبب فقط لمجرد إنتقام
يصعد للكرسي ويصير بيده منصب يريد ينتقم
هذه الروحيه للأسف مزروعه عند أغلب العراقيين
نحن جميعا مسئول ومواطن نحتاج مراجعة أنفسنا
أما أن نرجع للمرجعية ونحكمها معنى هذا نحملها ما لا تطيقه وليس تخصصها
الحل كتلة قوية وتسيطر على جميع الكتل
لأنه تعطيل القوانين يأتي غالبا من الكتل عندما تحاصص فتطلب كذا مقابل كذا
والتحاصص هو المشكلة الأكبر التي نواجهها
أما العراق كوطن فهو القمة وشعب هو القمة
ولهذا ييأس المواطن ويشعر بالخيبة
ويقول أريد وطن
يريد أن يشعر بالأمان أولا
يريد أينما يذهب العراق بيته الكبير
لا أحد يمنعه أو يسأله
يريد بلده متطورا
يريد نزع النفاق
يريد الخلاص من المفسدين
يريد فرصة للعيش الكريم
يريد لأبنه ما أن يكمل الدراسة يتعين
يريد الدولة تنبني مصانع ومنشئات
ولكن كلها أعلاه غير موجودة
https://www.youtube.com/watch?v=aUn8blPRIE8
