شلون ليلة , ليلة العاشر من محرم ..شلون ليلة!! اداء المرحوم حمزة الصغير
شلون ليلة بقلم المرحوم :كاظم منظور الكربلائي
اداء المرحوم : حمزة الصغير
https://www.youtube.com/watch?v=4kNjZmkzfko
شلون ليلة
يودع حسين العقيلة
تصيح زينب بالحرم
انا كفيلة
اشلون ليلة
زينب تودع وليها
والفراق يعز عليها
اشلون ليلة
زينب تودع وليها
والفراق يعز عليها
ويلي جني اسمع صوت زينب
بالافلاك السبعة يدوي
ومن استار الخدر يظهر
يصعد العالم العلوي
يا الهي وهذا عهدي
اقبالج المصباح يضوي
وهاي المصيبة الراتبة
بعالم الذر مرتبة
وبسمعي صوت النادبة
من مصادير عهد يروي
اشلون ليلة
فرقت شمل الهواشم
ومن يطر فجر المصيبة
ينهدم عز الفواطم
والمصيبة عالمية
خيمت بالغاضرية
اويلي اشما اوصف خدر زينب
وحق زينب ما اغالي
بقلب صيوان الرسالة
امركز بقمة معالي
مستر ببيض الهنادي
مركز بسمر العوالي
ولن قوس الموادع رمى
سهمة بقلب بت فاطمة
صاحت وعالهم كاظمة
رخص دمعي الجان غالي
شلون ليلة
ليلة اخطار ورهيبة
اشحال زينب
باجر تصبح غريبة
والغرب بيّن علي
محيرة وشيطيح بيديه
اشلون ليلة
لـيـلـة وداع الـهـواشـم مـا مـثـلـهـا تصير ليله
ومـثـل ونـة گلـب زيـنـب مـا عـلـت ونة ثجيله
مـو وداع تگول جـمـرة بگلـب مـكـفـول وكـفيله
سـيـوف الـفـراگ الـحـاسمه....ونار الطفوف المظرمه
وسـهـامـهـا الـمـتـراكـمه ... كلهن بگلب العقيله
شـلـون لـيـلـه وعـالـحـرم بـيـن خـطـرهـا
هـاي الـتـودع إبـنـهـا وذيچ الـتـوادع ذخـرهـا
هالله هالله يـا كـفيلي... بهالوداع إنهدم حيلي...شلون ليله
بـهـدوه مـن لـيـلـة الـعـاشر زينب إخوتها اعتنوها
ونگلـوا جـدام الـوداع ولـلـوديـعـه يـودعـوهـا
تـضـرب الـيـمـنـه على يسره البت رسول الله لگوها
مـن شـاهـدت شـمـس وگمـر.... والنور بالخيمه زهر
گامـت ومـحـنـيه الظهر.... وعرضت الحال على اخوها
شــلـون لـيـلـه وزيـنـب تـفـارگ خـدرهـا
والــنــوايــب ذوبــن شــمـعـة نـظـرهـا
هالله هالله شـحال زينب.. تفارگ الخدر المرتب...شلون ليله
تـعـلـم بـصـدره يـتـكـسـر والشمر يگطع وريده
حـبـتـه بـصـدره وتـشـمـه وردت النوب العضيده
هـاك روحـي وجـيـب روحـك وانـه عنك مو بعيده
ومـدت چفـوف الـعـاطفه ....... وتجلب چفوف الوفه
وصـاحـت عـلـى الـدنـيا العفى .... لا تخليني وحيده
شـلـون لـيـلـه زيـنـب تگضـي ويـا أهـلـهـا
تـشـم الـحـسـيـن بـوريـده تگلب جفوف الكفلها
گسمت إلها الشريعه ... وشافت چفوف الگطيعه...شلون ليله
چنـي أتـصـور خـيـمـكـم تـسـعـر النيران بيها
وچنـي أتـصـور حـرمـكـم عگب عـزهـا ميسريها
وعـلـى الـنـوگ الـهـزل تـمـشي وبالحبال مچتفيها
شـيـطـفـي نـار الـفـاجعه ..... والمرضعات اللايعه
سـاعـه وتـضـيگ الواسعه .... لو حدى الحادي بسبيها
شـلـون لـيـلـه وزيـنـب تـفـكـر بـأمـرهـا
شـهـالـمـصـيـبـه تـحـسـب حـسـاب اليسرها
زيـنب وصابر گلبها ..... بالغرب يرعى هربها...شلون ليله
هالله هالله شـهـالـوداع الـزلـزل الـعـالـم رهـيـبه
وگوس الـمـفـارگ اسـهـامـه الگلـب المفارج نصيبه
وفـاضـت دمـوع الـمـحـنـه وخـمـدت نار المصيبه
وگلـوب الـعـيـال بفزع ..... بس گلب زينب ما جزع
صـدت عـلـى إخـوتـهـا بورع .... والمخاطر ما تهيبه
شـلـون لـيـلـه والـمـلـك تـنـعـى بـسـماها
غـربـت شـمـس الـديـانـه وانـحجب بالطف ضياها
دنـت ساعات المصيبه.....وصارت العالم بريبه ...
شلون ليله
ا
