بعد شحجي ... قصيدة شعبية ... للشاعر ابو حيدر اللامي

بعد شحجي ... قصيدة شعبية ... للشاعر ابو حيدر اللامي

الشاعر ابو حيدر اللامي (هولندا)

انتي ام الكرم ويا طبعج الطيب
ولا محتاج دك بابج
تبخلين
وحك طولج وعرظج ايه يبغداد
اذب روحي اعله سورج بس
تكولين
تصب عين اليحبج دم يبغداد
من شافج حزينه اشلون
تبجين
خلاج الوكت بحلوك شمات
تريدين الوفه بسج
تدورين
كالو سلمت بغداد ورظيت
اذا احنه رظينه اشلون
ترظين
مواعرف طبع بغداد بس بيج
جم غزوه انغزيتي
وما تجنين
يا ام العراق اشلون يرظيج
يبيعونج غفل وانتي
التسكتين
اريدنج عزيزه اشلون ماجنتي
يبغداد اشمارادو ينوخونج
تكومين
حركتيني ابسكتج ليش بغداد
شجاج اشبيج بس هم
وتونيين

يلجنج نجم ماينزل الكاع
تطيحين النجم وانتي
التظلين
ماصدكت عيني الشفته وياج
بعد ذيج المعزه انتي
التذلين
اظل انشد عليج الراح
والجاي يلكلج محنه
وماتكرهين
ياعيني الاشوف الناس بس بيج
نسيتيني اعله غفله شو
تغمظين
اريدنج مثل ماجنتي يبغداد
اجيج امحمل ابهمي
وتهدين
واذا ظل حالج اعله الحال بغداد
اظل انحب وريدنج اكبالي هم
تلطمين
بعد شحجي وشسولفلج يبغداد
ماريد احجي البكلبي وخاف
تبجين
اهم اعليج هم ايكطع الحيل
اعرفنج حنينه وما
تكطعين
باعوج ورظيتي اشلون بغداد اذا
همه رظوها اشلون
ترضين
انتي ام المحنه وطبعج الطيب
باعوج النذاله وانتي
تشرين

طلع كل الحجي مكلوب بغداد
اشماسوو وحك عينج
تكبرين
امشي الله عليج واطلب اشواي
ماريدج الشامت نوبه
تشجين
يلجفج جبير يخوف الموت
ترجفين المنيه وما
ترجفين
شح مي الفرات اعليج بغداد
بس يمج عكارب سم
تشربين
يكحيلة عرب وتسابج الريح
تفحطين اليركبج وما
تفحطين
يجيهم موت يل باعوج بغداد
والباعو وشرو ظنهم
تقبلين
مااريدج حزينه وبيج الف اه
وذكري انتي الشمس بالج
تغيبين
مااريدج حزينه وبيج الف اه
وذكري اشلون زينب بل
دوواوين
مااريدج حزينه وبيج الف اه
اذكري انتي السقيفه وذبحت
حسين