السرطان يلتهم العراق والبصرة الاف الاصابات والدولة عاجزة بلا تخطيط

شيء مرعب ومخيف مايحصل في العراق من ازدياد في حالات السرطان ومدن الجنوب الاولى والبصرة منكوبة
هل خططت الحكومة الاتحادية وحكومة البصرة الى معالجة الاعداد المتزايدة المصابة بامراض السرطان؟؟ وان توفر لهم مستشفى خاص يحترم انسانيتهم وليس كما موجود حاليا في مدينة غنية كالبصرة .مستشفى صغير ,, وكادر قليل .. واجهزة بسيطة ...ومعاملة رديئة ...وادوية مفقودة في اكثر الاحيان
واذا كان المريض الان يشتري العلاج لعدم توفره في المشافي الحكومية كيف والارقام تتحدث عن زيادة سنوية باضعاف ماموجودين الان
هل فكرت الحكومة ان هؤلاء المرضى يحتاجون مكانا نظيفا لاخذ الجرعة ومعاملة تتناسب ومايعانون من تعب وحالة نفسية سيئة .... هل يعقل ان مريض السرطان ينتظر ساعات كي يصل له دور اخذ الجرعة ولايوجد كادر او اسرة كافية لكثرة المراجعين ؟؟؟؟
الا تستحق البصرة التي تزود العراق ب90بالمئة من ميزانيته ان يشيدو مستشفى يتلائم والاعداد التي تراجع ؟؟؟ وان يزود بمختبرات تحليل واجهزة سونار ومفراس حيث ان المريض يتحمل هذه الاجور لقلة الاجهزة وضعف الاداء الحكومي في هذا المجال ......

اذا الحكومة اتقصر بحق المواطن, خلي على الاقل المواطن لا يقصر بحق نفسه, مو كله اتدخن واتغرش وبعدين تريد خلاص من المرض.
لو التشخيص المبكر محد يعرفه ابدا, منو يروح يسوي تنظير للمعدة او للامعاء او فد سونار للكبد لو النسوان يسون ماموكرافي؟ طبعا المجتمع اذا يثقف نفسه يكدر يتجاوز هوايه ازمات, مو المجتمع العراقي صارف وقته حجه الفيسبوك وكال الانستا و كل ساعة بنية مخليه صوره لو فيلم قصير عنه بالسناب شات وصايره مشاكل, لو الواتساب الي وجع راسنا من كثرة ارسال الافلام والمنشورات الي هوايه منهن تافه,وين ايصير المجتمع براسه خير. والحكومة هم من هذا المجتمع.

اقتباس:

---

المشاركة الأصلية كتبت بواسطة Mino1

اذا الحكومة اتقصر بحق المواطن, خلي على الاقل المواطن لا يقصر بحق نفسه, مو كله اتدخن واتغرش وبعدين تريد خلاص من المرض.
لو التشخيص المبكر محد يعرفه ابدا, منو يروح يسوي تنظير للمعدة او للامعاء او فد سونار للكبد لو النسوان يسون ماموكرافي؟ طبعا المجتمع اذا يثقف نفسه يكدر يتجاوز هوايه ازمات, مو المجتمع العراقي صارف وقته حجه الفيسبوك وكال الانستا و كل ساعة بنية مخليه صوره لو فيلم قصير عنه بالسناب شات وصايره مشاكل, لو الواتساب الي وجع راسنا من كثرة ارسال الافلام والمنشورات الي هوايه منهن تافه,وين ايصير المجتمع براسه خير. والحكومة هم من هذا المجتمع.

---

التفاتة رائعة ... الجميع مشترك بتفشي الامراض ولكن واجب الدولة كالاب رعاية ابنائه اين الخطط واين الاجهزة المبكرة للتشخيص المبكر ؟؟؟