مظاهرات ساحة التحرير

لماذا لاتوجد مظاهرات ضد الحكومة في
كردستان وفي الموصل والغربية؟؟؟

هل هم راضين عن الحكومة؟؟:3dd31a2799f76316eb4

والله خوش سؤال سألت ألف رحمة على والديك
لأنه أولا الرأس في بغداد
بغداد لا تحاسب الفاسد
والمحافظات محكومة من قبل بغداد
ابو الموصل والرمادي كلشي ما بيده ( لا صوره ولا جرجوبه ) لا يحل ولا يربط
الحل والربط كله بيد بغداد والمسئول مال الموصل مثل الدابه الركوب ولو ما يصير هيج بيومين ينطرد

ها ها أحنا بلا مظاهرات إرهاب
هل المره نطلع تظاهرات
رأسا يطكونه بالدهن
أبو بغداد يطلع شويه بيها مجال
يا عمي أنت ليش كاره الناس تطلع تظاهرة وتجيب منا وتخلط منا
أنت هم تريد تشوه الصوره
الله أكبر من كل المجرمين والحراميه

ورحم والديك,
اخويا اذا المطالب مشروعة
لماذا المحرض :
احمد البشير في الاردن
وسعد البزاز في بريطانيا
وانور الحمداني في مصر
وستيفن نبيل في لويزيانا بامريكا
وسهير القيسي الكاعدة بالامارات؟؟؟؟؟؟

هل هؤلاء يريدون مصلحة البلد؟؟؟وهم وعوائلهم بالخارج
وحقيقة مقهورين على الجنرال الساعدي الذي فصله العبادي ثلاث مرات ولكن ولاواحد فتح حلكه؟؟
وهم اول المحرضين والمروجين لساحات اعتصام احنا تنظيم اسمنا القاعدة!
لاننكر ان هناك ناس يريدون الاصلاح والفساد موجود لايختلف على ذلك اثنان ولكن,
عندما يحرض هؤلاء اعلاه فاعلم ان القضية ليست من اجل الاصلاح ,

الغرض هو الفوضى والدليل حرق المطاعم
وحرق سيارات الشرطة تعمدا في سبيل ايجاد ضحايا ل (تكبير) الفوضى

التظاهرات التي تحرق مطاعم وسيارات الشرطة
وتدعمها الشرقية وحسابات البشير وانور الحمداني بن رفيقة احلام
وسهير القيسي الكاعدة بالامارات اللي اول من هللت للقاعدة في الانبار
وستيفين نبيل ابن السفارة الامريكية الكاعد بامريكا
ووتتاجر بدمائنا هذه التظاهرات اهدافها اكبر من تحسين الاوضاع

أخويه هو هنا المشكلة انا هم أخاف تسيس لكن والله لو الحكومة تسمع لنسبة 5 % من شكاوي الناس لكان الكل سكتت خصوصا نحن أهل الموصل جماعتنا ( الحكومة المحلية ) التي مخلينها على راسنا ضد المواطن وضد الناس
والله وأقسم قسم لو يجي صهيوني ويحكمنا يمكن يطلع عنده ضمير اخير من جماعتنا
كرهنا داعش والموجودين الحاليين في حكومة الموصل المحلية أنجس من داعش ( مسنودين من بغداد طبعا ) فإذا ما حكومة قوية وفيها نسبة عدل لو 50 % العراق ما يعيش ويبقى مشلول وهذا مختصر الكلام
أنا لا أعرف عن مناطق أخرى ولكن عندما اتكلم أتصور الموقف ذاته في المناطق والمحافظات الأخرى .
وللعلم أبو الموصل ساكت لأنه معروف عنهم وأنا شعلي يمكن أنا الوحيد اهرج بالمواقع وأكتب وانتقد ناس خوافين قبل شهر أو شهرين طلبت من موقع موصلي ( راديو نينوى الغد فيسبوك ) ينشر لي موضوع بسيط (لا بيه مسبة ولا تهجم ) والله يخافون ينشرونه
أحنا الموصل الأغلبية الحقيقة أحببنا المحافظ السابق العاكوب لكن الحكومة طردته لأنه لو ما مثل هذا الدوائر ما تمشي عدل وهل المرة من تعلي صوتك على موظف راسا يحجزونك فشوف شلون يعني بس تكضب لك كلاشنكوف وتكف لهم بالباب وتخرط بيهم . طبعا أبو بغداد ما يحاسب وعادل عبد المهدي أضعف شخص أن يحاسب .
لا والله وأكولها علنا كان المالكي أرحم لنا أقلا كانوا يخافون منه عادل عبد المهدي ما يخوف دجاجة وليس حقاني ولا مشروع إصلاح عنده وراح يهجم البلد نص وارد العراق أعطاه للأكراد
فشلون الحل تطلع تظاهرة على نيتك وأنا متأكد الناس الطالعه تظاهرات على نياتها وليست ممولة ولا مستقطبة من أحد لكن في كل وقت وحين يوجد من يسبح في الماء العكر ( نعرفها هاي الشغلة ) والمسألة أحنا ما عدنا عزم صحيح في العراق الأحزاب تتقاسم السلطة والشعب ضائع
ولا يوجد عندنا ضمن كل هذه الأحزاب الحالية الحاكمة حزب ثوري
نحن في العراق نحتاج روح ثورية دائما لأنه هذا واقعنا